Քաղաքականություն
20.01.2023 | 13:06«Ձևակերպումներն անհասկանալի են․ այս իշխանությունների կողմից մեղադրանքների աբսուրդն այնքան շատ է, որ ամեն ինչ սպասելի է»,- այս մասին այսօր լրագրողների հետ զրույցում նշեց «Հայաստան» խմբակցության պատգամավոր Գեղամ Մանուկյանը՝ անդրադառնալով խմբակցության ղեկավար, պաշտպանության նախկին նախարար Սեյրան Օհանյանի նկատմամբ քրեական հետապնդում հարուցելուն համաձայնություն տալու մասին դատախազի երեք միջնորդագիր ուղղարկելու հանգամանքին։
«Այնքան անհասկանալի են ձևակերպումները, որ հնարավոր է այդ մեղադրանքներից մեկը լինի այն, թե ինչու Սեյրան Օհանյանը պաշտպանության նախարար եղած ժամանակ այնպես չի ջախջախել թշնամուն, որ հետո դրա պատճառով եղել է պատերազմ, հետո եղել են իրար հաջորդող ագրեսիաներ, ու Ազատ գյուղում էլ մեր զինվորները մնացել են նման խրճիթում»,-ասաց ընդդիմադիր պատգամավորը։
Մանուկյանը նշեց նաև, որ դատախազության միջնորդագրերի մասին տեղեկցել են մամուլից․ «Սեյրան Օհանյանն էլ քիչ առաջ մեզանից՝ ինձնից ու Արծվիկ Մինասյանից տեղեկացավ այդ մասին»։
Մանրամասները՝ տեսանյութում։
