07.08.2026 | 13:50
«Ծաղկաձորում մարզվելը հիանալի է»․ Արման Ծառուկյան
Նոր ավտոբուսները կօգնեն Երևանի տրանսպորտի գործարկման բարելավմանը․ ՀՀ-ում ԵՄ գրասենյակ
Հասարակություն
18.01.2023 | 22:20
Այսօր Եվրամիության դեսպան Անդրեա Վիկտորինը, ՎԶԵԲ երևանյան ներկայացուցչության ղեկավար Ջորջ Ախալկացին, Եվրոպական հանձնաժողովի ներկայացուցիչ Դեյվիդ Քալընը և Երևանի փոխքաղաքապետ Տիգրան Ավինյանն այցելել են ավտոբուսների հավաքակայան և փորձնական երթուղով փորձարկել նոր ավտոբուսի հարմարավետությունը Երևանի փողոցներում: Այս մասին տեղեկացրել է Ավինյանը:
ՀՀ-ում ԵՄ գրասենյակը նույնպես անդրադարձել այդ իրադարձությանը։
«Ուրախ ենք տեսնել Երևանի համար նոր «կանաչ» ավտոբուսների միջոցով ներդրումների առաջին արդյունքները «խելացի» շարժունակության և կայուն քաղաքային տրանսպորտի ոլորտում, որը մեր ուղենշային նախաձեռնություններից մեկն է։
Ավտոբուսները կօգնեն մայրաքաղաքի տրանսպորտի գործարկման բարելավմանը և արդիականացմանը՝ կրճատելով օդի աղտոտվածությունն ու ստեղծելով քաղաքացիների համար ավելի հուսալի և արդյունավետ հանրային տրանսպորտ ապահովելու հնարավորություն»-նշված է ԵՄ գրասենյակի հաղորդագրության մեջ։
