05.11.2024 | 19:17
Քաղաքաշինության կոմիտեում կառուցապատողների հետ քննարկվել են ոլորտային խնդիրների լուծման տարբերակներ
Ռուսաստանը փորձում է վերափոխել բանակը՝ նոր խոշոր պատերազմների վարման համար.ISW
Քաղաքականություն
18.01.2023 | 12:42
Ռուսաստանի պաշտպանության նախարար Սերգեյ Շոյգուն հայտարարել է 2023-2026 թվականների ընթացքում «լայնածավալ ռազմական բարեփոխումների» մասին, հավանաբար, Ուկրաինայում երկարատև պատերազմի նախապատրաստվելու տրամաբանությամբ, այս մասին հայտնում է BBC-ի ռուսական ծառայությունը՝ հղում անելով Պատերազմի ուսումնասիրման ամերիկյան ինստիտուտի՝ ISW-ի հերթական զեկլույցին։
Շոյգուն հայտարարել է, որ Ռուսաստանը կվերականգնի Մոսկվայի և Լենինգրադի ռազմական օկրուգները, Կարելիայում նոր բանակային կորպուս կստեղծի, Ուկրաինայի օկուպացված տարածքներում զորքերի նոր ինքնաբավ խմբավորումներ և 12 նոր շարժական դիվիզիաներ կհիմնի։
Ըստ ինստիտուտի՝ այս և այլ փոփոխությունները ցույց են տալիս Ռուսաստանի մտադրությունը բարեփոխել ռուսական զինված ուժերը լայնածավալ պատերազմի պատրաստ լինելու և ոչ միայն՝ Ուկրաինայի դեմ ներկայիս պատերազմի համար։ Ռուսաստանը կարող է նոր դիվիզիաներ ձևավորել, սակայն պարզ չէ՝ կարո՞ղ է դրանք հասցնել դոկտրինային թվաքանակին շարունակվող պատերազմի պայմաններում։ Ինստիտուտը հիշեցնում է, որ Շոյգուն ավելի վաղ էլ էր հայտարարություններ արել ռուսական ռազմական բարեփոխումների մասին, բայց դրանք այդպես էլ չէին իրականացել։
Էմմա Չոբանյան
