17.08.2026 | 09:45
Գյումրիում հորդառատ անձրևի հետևանքով ջրալցվել են նկուղներ և բակեր․ ԼՈՒՍԱՆԿԱՐՆԵՐ
Լաչինի միջանցքը փակած Ադրբեջանի իշխանությունների ՀԿ-ները որևէ կապ չունեն բնապահպանության և շրջակա միջավայրի հետ․ ուսումնասիրություն
Քաղաքականություն
17.01.2023 | 21:06
Դեկտեմբերի 12-ից Արցախը Հայաստանին կապող միակ ճանապարհը՝ Լաչինի միջանցքը փակած Ադրբեջանի պետական կառույցներին կից գործող կազմակերպությունները որևէ կապ չունեն բնապահպանության և շրջակա միջավայրի հետ, ինչպես պնդում է պաշտոնական Բաքուն։ Մասնավորապես, ադրբեջանական անկախ Mikroskop media-ն ուսումնասիրել է Լաչինի միջանցքը փակ պահող ՀԿ-ները։
«Լաչինի միջանցքում Ադրբեջանի կառավարության կողմից կազմակերպված ակցիաներին մասնակցող ՀԿ-ները ներկայացված են որպես էկոլոգիայի ոլորտում մասնագիտացած։ Մենք 50-ից ավելի տեսանյութ ենք դիտել, ուսումնասիրել ենք այնտեղի ՀԿ-ները, և դրանք կապ չունեն էկոլոգիայի և շրջակա միջավայրի հետ»,- ասվում է լրատվամիջոցի թվիթերյան էջի գրառման մեջ։
Այդ կազմակերպություններն են՝ «Երկխոսության և առաջընթացի հանրային միություն», «Քաղաքացիների լուսավարության հանրային միություն», «Զինվորների ընտանիքների աջակցության հանրային միություն», «Կին փաստաբանների ասոցիացիա», «Սոցիալական հետազոտությունների կենտրոն», «Առաջ հանրային միություն», «Շարունակություն» երիտասարդական շարժում, Գյանջայի սպորտային ակումբ, «Աշխատավոր կանանց աջակցության հանրային միություն», «Հայրենական պատերազմի վետերանների հանրային միություն»։ Բոլոր կազմակերպությունները որևէ առնչություն չունեն բնապահպանության հետ։
Էմմա Չոբանյան
