21.02.2026 | 15:17
Օդի ջերմաստիճանը ողջ հանրապետությունում կնվազի ևս 5-8 աստիճանով
Ոռոգման ջրի սակագինը հնարավոր է նվազեցնեն. նախարար. ՏԵՍԱՆՅՈՒԹ
Տնտեսություն
13.06.2018 | 17:30
Կառավարություն-Ազգային ժողով հարցուպատասխանի ժամանակ «Ծառուկյան» խմբակցության պատգամավոր Վարդևան Գրիգորյանը Կառավարության ներկայացուցչից հետաքրքրվեց՝ արդյոք նախատեսվո՞ւմ է նվազեցնել ոռոգման համար օգտագործվող ջրի սակագինը։
Պատգամավորը նշեց, որ ոռոգման ջրի բարձր սակագինը ծանր բեռ է գյուղացիների համար, և մեկ հեկտար հողատարածք ջրելու վարձը կազմում է 16 հազար դրամ։
Էներգետիկ ենթակառուցվածքների և բնական պաշարների նախարար Արթուր Գրիգորյանը, պատասխանելով հարցին՝ նշեց, որ նախարարությունում այս պահին ոռոգման ջրի սակագների նվազեցման հետ կապված իրականացնում են քննարկումներ և ավելի ուշ այս հարցի վերաբերյալ կտրվի համալիր պատասխան։
Արձագանքի մեջ Վարդևան Գրիգորյանը հույս հայտնեց, որ գյուղացիական տնտեսություններով զբաղվողները սպասում են, որ սակագները կիջնեն՝ ընդգծելով հարցի լուծման հրատապությունը։
Մանրամասները՝ տեսանյութում։
