17.02.2026 | 16:03
Վարչապետը շնորհավորական ուղերձներ է հղել Չինաստանի նախագահին և պետական խորհրդի նախագահին
«Ուղղակի քվեարկում եք, որ չզրկվե՞ք աշխատավարձերից». ՔՊ-ականները հետաքրքրվեցին՝ ինչու է ընդդիմությունը ձեռնպահ քվեարկում․ ՏԵՍԱՆՅՈՒԹ
Քաղաքականություն
17.01.2023 | 11:29
ԱԺ-ն քննարկում է Հաշվեքննիչ պալատի անդամի պաշտոնում Գագիկ Բարսեղյանի թեկնածությունը։
«Հայաստան» խմբակցության քարտուղար Արծվիկ Մինասյանը հայտարարեց, որ իրենք չեմ մասնակցի Հաշվեքննիչ պալատի անդամի ընտրությանը։
Ազգային ժողովի փոխնախագահ Ռուբեն Ռուբինյանը հետաքրքրվեց՝ ինչո՞ւ։
«Որպես կանոն կիսատ-պռատ, չմշակված կամ Հայաստանի առաջնային օրակարգերից դուրս նախագծեր են բերվում․․․ Ինչ վերաբերում է փակ քվեարկություններին չմասնակցելուն, ապա դա այն պատճառով է, որ դուք ապալեգիտիմացրել եք փակ քվեարկության արդյունքները և պրոցեսը, ամենաթարմ օրինակը Վահագն Հովակիմյանի քվեարկությունն է,- պարզաբանեց Մինասյանը։
«Ով 30 տարի ընտրությունները կեղծի, ով մեղադրի ապալեգիտիմացնելու մեջ․ դա այլ հարց է»,- արձագանքեց ԱԺ նախագահ Ալեն Սիմոնյանը։
«Վերջին չորս-հինգ նախագծերին, որ մենք այստեղ քվեարկում ենք, ընդդիմությունը ձեռնպահ է քվեարկել։ Ես այսպես եմ պատկերացնում քաղաքականությունը՝ քաղաքացիներն ընտրում են պատգամավորներին, որպեսզի պատգամավորները, ըստ իրենց ստացած մանդատի՝ ծանրութեթև անեն եկող նախագծերն ու քվեարկեն կողմ, դեմ կամ ինչ-որ դեպքերում՝ ձեռնպահ», – ԱԺ-ում հայտարարեց Ռուբինյանը։
Նա ընդգծեց, որ եթե բոլոր նախագծերին ընդդիմությունը քվեարկում է ձեռնպահ, ինքը կարող է ենթադրել, որ ընդդիմությունն ուղղակի քվեարկում է, որպեսզի չզրկվի աշխատավարձից։
«Սա քաղաքական աբսուրդ է», – ընդգծեց Ռուբինյանը։
Մանրամասները՝ տեսանյութում։
