«Հայաստան» խմբակցության հեղինակած ԱԺ հայտարարության նախագծի քվեարկությունը հետաձգվել է

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Հայաստանն իր աջակցությունը պետք է հայտնի այն գործողություններին, որոնք միտված են Արցախի ապաշրջափակմանը. այս մասին ասել է «Հայաստան» խմբակցության պատգամավոր, հիմնական զեկուցող Անդրանիկ Թեւանյանը ՀՀ ԱԺ արտաքին հարաբերությունների մշտական հանձնաժողովի՝ հունվարի 13-ի հերթական նիստում: Քննարկվել է «Հայաստանի Հանրապետության Ազգային ժողովի հայտարարությունն Ադրբեջանի կողմից Լաչինի միջանցքը պարբերաբար փակելու կապակցությամբ» հայտարարության նախագիծը:

Պատգամավորը նշել է, որ Ադրբեջանի կողմից խախտվում է 2020 թ. նոյեմբերի 9-ի համաձայնագիրը: Նրա հավաստմամբ ռուս խաղաղապահները պետք է բոլոր ջանքերը ներդնեն Լաչինի միջանցքը բացելու ուղղությամբ: Հիմնական զեկուցողի խոսքով Հայաստանը պետք է հետամուտ լինի ԼՂ ժողովրդի ինքնորոշման իրավունքի ճանաչման հարցում:

Հարակից զեկուցող պատգամավոր Մարիա Կարապետյանը նշել է, որ 2022 թ. դեկտեմբերի 14-ին ՀՀ ԱԺ-ի կողմից ընդունված հայտարարության տեքստը շարունակում է ուժի մեջ մնալ, եւ այն արտահայտում է ԱԺ-ի դիրքորոշումը, քաղաքական գնահատականները, պահաջներն ու կոչերը: Ընթացակարգի վերաբերյալ պատգամավորը տեղեկացրել է, որ նախորդ տարվա դեկտեմբերի 14-ին գումարված նիստին, որում ընդունվել էր հայտարարությունը, նախորդել էր ԱԺ խորհրդի նիստը, որտեղ առաջարկվել էր ընդդիմության ներկայացուցիչներին իրենց եւ «Քաղաքացիական պայմանագիր» խմբակցության հեղինակած տեքստերը համադրել եւ գալ ընդհանուր հայտարարի՝ հայտարարության տեքստն ընդունելով միասնաբար: Մարիա Կարապետյանը նշել է, որ առաջարկն ընդդիմության պատգամավորների կողմից մերժվել էր, եւ նրանք լքել էին նիստերի դահլիճը: Պատգամավորը կոչ է արել հանձնաժողովի անդամներին դեմ քվեարկել հայտարարության տեքստին:

«Հայաստան» խմբակցության պատգամավոր Արմեն Ռուստամյանը կոչ է արել պայքարել Արցախի ժողովրդի ինքնորոշման իրավունքի համար, քանի որ դա է նրանց պայքարի նպատակը: «Հայաստանը, Արցախը եւ Սփյուռքը եռամիասնաբար պետք է պայքարեն Արցախի ժողովրդի կամքն իրականացնելու համար»,- ասել է նա:

Հանձնաժողովի նախագահ Էդուարդ Աղաջանյանը, անդրադառնալով դեկտեմբերի 14-ի հայտարարությանը, նշել է. ««Քաղաքացիական պայմանագիր» խմբակցությունը երբեւէ չի հավակնել, որ միայն հայտարարության ընդունման արդյունքում Լաչինի միջանցքը կբացվի՝ ի տարբերություն ձեր քաղաքական ուժի, որը պարբերաբար պնդում է, որ դիրքորշման փոփոխության արդյունքում՝ այն է ձեր կողմից բերված հայտարարության ընդունման պարագայում, ըստ էության, միջանցքը կբացվի»:

Հիմնական զեկուցող Անդրանիկ Թեւանյանը եզրափակիչ ելույթում առաջարկել է նախագծի քվեարկությունը հետաձգել՝ լրամշակման նպատակով: