30.11.2024 | 12:21
Տուժածների շրջանում հայեր չկան. մանրամասներ՝ Հալեպում տիրող իրավիճակից
Վրացական մաքսային ծառայությունն արգելափակել է ռուսական կարտոֆիլի ներմուծումը
Քաղաքականություն
12.01.2023 | 21:13
Վրաստանի Ֆինանսների նախարարության եկամուտների ծառայությունը հայտնել է, որ վրաց-ռուսական սահմանի «Կազբեգի» անցակետում հայտնաբերվել է Ռուսաստանից բերված կարտոֆիլի խմբաքանակ, որը չի համապատասխանում սննդամթերքի անվտանգության պահանջներին, գրում է Նովոստի գրուզիան։
Սանիտարական, բուսասանիտարական հսկողության վարչության կողմից հայտնաբերվել են խախտումներ։ Ռուսաստան է վերադարձվել 42,250 տոննա անորակ խմբաքանակ։
Միաժամանակ, բուսասանիտարական նորմերի խախտման պատճառով մերժվել է 69,867 խմ փայտանյութի ներմուծումը։
Վերջին շրջանում սա Ռուսաստանից բերված կարտոֆիլի խմբաքանակում սննդամթերքի անվտանգության ստանդարտների խախտման երկրորդ դեպքն է։ Երեք շաբաթ առաջ սանիտարահիգիենիկ և բուսաբուծական վերահսկողության վարչությունը թույլ չի տվել Ռուսաստանից 20 տոննա կարտոֆիլի մուտքը Վրաստան։
Տաթև Ֆռանգյան
