04.05.2024 | 19:16
Անձրևաջրերի կուտակումներից խուսափելու նպատակով Երևանում կկառուցվեն նոր հեղեղատար համակարգեր․ քաղաքապետարան
Մոսկվան անհանգստացած է Երևանի ու Բաքվի միջև բացասական միտումներով․ Զախարովա
Քաղաքականություն
12.01.2023 | 13:59
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում հայտարարել է, որ Մոսկվան անհանգստացած է Հայաստանի և Ադրբեջանի միջև բացասական միտումներով։
«Մեզ անհանգստացնում են վերջին շաբաթների բացասական միտումները Բաքվի ու Երևանի միջև, փոխադարձ կտրուկ հռետորաբանությունը, որն ուղեկցվում է տարածաշրջանում լարվածության աճով։ Կոչ ենք անում հայկական ու ադրբեջանական կողմերին բարի կամք դրսևորել և միասին զիջումներ գտնել։ Մենք դրանք ամեն կերպ կաջակցենք»,- ասել է Զախարովան։
Նա կրկին նշել է, թե Հայաստանը բաց է թողել Մոսկվայում դեկտեմբերի 23-ին ԱԳՆ ղեկավարների մակարդակով Ադրբեջանի հետ բանակցություններ անցկացնելու հնարավորությունը։
«Հայկական կողմը բաց է թողել դեկտեմբերի 23-ին Մոսկվայում Ադրբեջանի հետ բանակցություններ անցկացնելու լավ հնարավորությունը՝ քննարկելու խնդիրները, այդ թվում՝ իրավիճակը Լաչինի միջանցքում։ Մեր առաջարկը մնում է ուժի մեջ։ Մենք պատրաստ ենք հարթակ տրամադրել Հայաստանի և Ադրբեջանի ԱԳՆ ղեկավարների բանակցությունների համար»,- նշել է ՌԴ ԱԳՆ պաշտոնական ներկայացուցիչը։
Էմմա Չոբանյան
