16.12.2025 | 12:03
37-ամյա տղամարդը դանակահարել է հորն ու մորը․ ծնողները մահացել են, որդին ձերբակալվել է
Ասում եք, որ մենք անբարոյական հանրություն ենք, չարաչար սխալվում եք. Գաբրիելյանը՝ Նազարյանին․ ՏԵՍԱՆՅՈՒԹ
Քաղաքականություն
11.01.2023 | 14:18
ՀՀ ԱԺ «Հայաստան» խմբակցության հեղինակած «Հայրենիքի պաշտպանության համար զոհված զինծառայողի ընտանիքի անդամների երաշխիքների մասին» օրենքի նախագծով առաջարկվում է լրացուցիչ երաշխիքներ սահմանել հայրենիքի պաշտպանության համար զոհված զինծառայողի ընտանիքի անդամների համար:
Նախագծի հիմնական զեկուցող Գեղամ Նազարյանը ՀՀ ԱԺ պաշտպանության եւ անվտանգության հարցերի մշտական հանձնաժողովի նիստում ընդգծեց, որ առաջարկվում է երաշխիքներում ներառել հիպոտեկային վարկը մարելու նպատակով ընտանիքի անդամի աջակցությունը, որոշակի ծախսերի փոխհատուցումը և այլ արտոնություններ:
Գեղամ Նազարյանի խոսքով՝ նախագծի ֆինանսական բացադրիչը երկրորդական է, նախագծի հիմնական նպատակն է փորձել օգնել, որ մեր հանրությունը լինի առողջ․ «Երբ որ պետությունը հոգ է տանում նահատակների ընտանիքների անդամների նկատմամբ, դրանով հանրությանը սովորեցնում է ճիշտ ապրել»։
«Քաղաքացիական պայմանագիր» խմբակցության պատգամավոր Վիլեն Գաբրիելյանը կարծիք հայտնց, որ նախագծի միտքը, գաղափարը լավն է, ընդունելի է, բայց թերություններ կան։
«Զարմացած եմ, ո՞նց կարելի է լավ գաղափար բերես ու դու ինքդ տեղում տապալես․․․ Ասում եք, որ 44-օրյա պատերազմից հետո հանրությունն անտարբեր է զոհված զինծառայողների ընտանիքների անդամների նկատմամբ, դուք չարաչար սխալվում եք․․․ Դուք ուզում եք ասել, որ եթե մեկը Հյուսիսային պողոտայում կիթառ է նվագում, դա նշանակում է, որ անորակ, անբարոյական հանրություն ե՞նք»,- դիմելով Գեղամ Նազարյանին՝ նշեց Գաբրիելյանը։
Նազարյանն արձագանքեց՝ ընդգծելով․ «Հանրության մեծ մասը լավն է, ես դա գիտեմ․․․ Չեմ ասում սգանք, բայց բարոյական չափանիշները պահենք»։
Մանրամասները՝ տեսանյութում։
