18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Դոնֆրիդը Լաչինի միջանցքի արգելափակումը քննարկել է Բայրամովի հետ
Քաղաքականություն
11.01.2023 | 12:34
ԱՄՆ պետքարտուղարի եվրոպական և եվրասիական հարցերով տեղակալ Քերըն Դոնֆրիդը ՀՀ ԱԳ նախարար Արարատ Միրզոյանի հետ հեռախոսազրույցից հետո զրույց է ունեցել նաև Ադրբեջանի ԱԳ նախարար Ջեյհուն Բայրամովի հետ և քննարկել Լաչին միջանցքի արգելափակումը։ Ադբեջանական կողմի հաղորդագրության համաձայն՝ «Բայրամովը զրույցում Հայաստանին է մեղադրել սադրանքների իրականացման ու 2020թ-ի նոյեմբերի 9-ի եռակողմ հայտարարության խախտման մեջ։
«Նախարարը ամերիկյան կողմին տեղեկացրել է նաև, որ Ադրբեջանի կողմից Լաչինի ճանապարհի իբր փակման հետևանքով հայ բնակչության շրջափակման և տարածաշրջանում մարդասիրական աղետի ստեղծման մասին պնդումները լիովին անհիմն են»,-ասվում է Ադրբեջանի ԱԳՆ հաղորդագրության մեջ։
Հեռախոսազրույցների վերաբերյալ ԱՄՆ Պետքարտուղարության Եվրոպայի ու Եվրասիայի հարցերով բյուրոյի հաղորդագրության մեջ ասված է․ «Պետքարտուղարի տեղակալ Դոնֆրիդը կոչ է արել Արարատ Միրզոյանին ու Ջեյհուն Բայրամովին Լաչինի միջանցքով ապրանքների տեղաշարժը հնարավոր դարձնելու համար անհապաղ ներգրավվել դիվանագիտական լուծում գտնելու համար։ Նա նաև խրախուսել է երկու նախարարներին կրկին ներգրավվել կայուն խաղաղության հասնելու գործընթացում»։
Էմմա Չոբանյան
