19.02.2026 | 23:55
Եպիսկոպոսաց հավաքը հանդես է եկել հայտարարությամբ
Բաքվում պահվող գերիները զրուցել են հարազատների հետ
Հասարակություն
09.01.2023 | 13:29
Կարմիր խաչի միջազգային կոմիտեի ներկայացուցիչները դեկտեմբերին այցելել են Ադրբեջանում պահվող անձանց և գերիներին։ Այս մասին Factor.am-ի հետ զրույցում ասաց ԿԽՄԿ պատվիրակության հաղորդակցման ծրագրերի ղեկավար Զառա Ամատունին՝ նշելով, որ տեսակցված անձիք 2020-2021 թվականի ադրբեջանական սադրանքի հետևանքով գերեվարվածներն են.
«Մեր ներկայացուցիչները տեղում ծանոթացել են Բաքվում պահվող անձանց առողջական վիճակին և պահման պայմաններին։ Բացի այդ, գեիներին հնարավորություն է տրվել հեռախոսազանգեր կատարել ընտանիքի անդամների հետ, ինչպես նաև փոխանակվել նամակներով և տեսաուղերձներով»,- ասաց Ամատունին։
Նշենք, որ 2022-ի սեպտեմբերի 8-ի դրությամբ Բաքուն հաստատում էր 38 հայ ռազմագերիների և քաղաքացիական անձանց առկայությունը։ Հայ իրավապաշտպանների տվյալներով՝ ադրբեջանական ցուցակներում չներառված ևս 80 մարդ է գերության մեջ։ Վերջին անգամ ադրբեջանական կողմը հայկական կողմին փոխանցել էր 5 հայ ռազմագերի։
Ռոզա Վարդանյան
