09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Անկանխիկ եղանակով վճարումներից կենսաթոշակառուներին հետվճար տրամադրելու գործընթացի գործողության ժամկետը երկարաձգվել է
Հասարակություն
29.12.2022 | 17:27
Կառավարությունը փոփոխություններ և լրացումներ է կատարել նախկինում ընդունած որոշումներից մեկում, ըստ որի՝ անկանխիկ եղանակով վճարումներից կենսաթոշակառուներին հետվճար տրամադրելու գործընթացը պետք է դարձնել շարունակական։ Միջոցառումը նախատեսված էր իրականացվել մինչև 2022 թ. դեկտեմբերի 31-ը։
Այսպիսով, անկանխիկ եղանակով վճարումներից կենսաթոշակառուներին հետվճար տրամադրելու պետություն-մասնավոր սոցիալական փոխգործակցության միջոցառումն անհրաժեշտ է դարձնել շարունակական՝ դրա գործողության ժամկետը երկարաձգելով մինչև 2023 թ. հունիսի 30-ը: 2022 թ. նոյեմբերին անկանխիկ գործարք են կատարել շուրջ 59,000 շահառուներ: Ընդ որում, ծրագրի մեկնարկի համեմատ հոկտեմբերին գործարքների ծավալները քառապատկվել են:
Արդյունքում, առկա են շուրջ 1 մլրդ 950 մլն անկանխիկ գործարքներ, որի դիմաց ՀՀ պետբյուջեից փոխանցվել է հետվճար՝ շուրջ 195 մլն դրամ, որը յուրաքանչյուր թոշակառուի հաշվարկով կազմում է՝ միջինը 3100 դրամ։
