18.12.2025 | 19:06
Արմեն Գրիգորյանը և ՄԹ արտաքին հետախուզության ծառայության տնօրենը հանդիպում են ունեցել
Առաջարկվում է Վերաքննիչ հակակոռուպցիոն դատարան ստեղծել․ ԱԺ-ն երկրորդ ընթերցմամբ քննարկում է Դատական օրենսգրքի փոփոխությունների նախագիծը․ ՏԵՍԱՆՅՈՒԹ
Քաղաքականություն
23.12.2022 | 11:48
Մեկնարկել է ՀՀ ԱԺ արտահերթ նիստը։
Արդարադատության նախարարի տեղակալ Արմենուհի Հարությունյանը ներկայացրեց «Դատական օրենսգիրք» սահմանադրական օրենքում փոփոխություններ և լրացումներ կատարելու և հարակից օրենքներում փոփոխություններ և լրացումներ կատարելու մասին» նախագծերի փաթեթը:
Նշված փաթեթով առաջարկվում է ստեղծել Վերաքննիչ հակակոռուպցիոն դատարան՝ կոռուպցիոն հանցագործություններ քննող և քրեական ու քաղաքացիական դատավորների կազմով:
«Փոփոխությունները նոր դատավորների թիվ ավելացնելու անհրաժեշտություն չեն առաջացնում, քանի որ օրենքի անցումային դրույթների ուժով ներկայումս նշանակված դատավորները, որոնք հակակոռուպցիոն գործեր են քննում, շարունակելու են պաշտոնավարել:
Երևան քաղաքի ընդհանուր իրավասության դատարանի ծանրաբեռնվածությունը հաղթահարելու նպատակով առաջարկվում է նաև առանձնացնել ընդհանուր իրավասության քաղաքացիական և քրեական դատարանները: Նախատեսվում է դատարանների նախագահներին վերապահել նոր լիազորություններ՝ հնարավորություն ստեղծելով ԲԴԽ-ի սահմանած կարգով մշտադիտարկում իրականացնել դատարաններում գործերի քննության ողջամիտ ժամկետների պահպանման նկատմամբ»,- նշեց Հարությունյանը:
