02.03.2026 | 16:15
Իսրայելի և ԱՄՆ-ի կողմից Իրանի դեմ հարվածները պետք է նախապես քննարկվեին ՄԱԿ-ում․ Ֆրանսիայի ԱԳ նախարար
«Թե ի՞նչ է արել ստեղծագործ Եվրոպան». 1 պատգամավոր դեմ քվեարկեց «Ստեղծագործ Եվրոպա» ծրագրին․ ՏԵՍԱՆՅՈՒԹ
Տեսանյութեր
20.12.2022 | 13:37
Ազգային ժողովն ընդունեց «ՀՀ և Եվրոպական միության միջև «Ստեղծագործ Եվրոպա» ծրագրին (2021-2027 թթ.) ՀՀ մասնակցության մասին» համաձայնագիրը վավերացնելու մասին» օրենքի նախագիծը: Դեմ քվեարկեց մեկ պատգամավոր։
Ծրագրի շնորհիվ Հայաստանի մշակութային և ստեղծագործ ոլորտի ներկայացուցիչները հնարավորություն կստանան ծավալելու միջսահմանային համագործակցություն նույն ոլորտի եվրոպացի գործընկերների հետ: Կտրամադրվեն դրամաշնորհային ծրագրեր գրականության, թատրոնի, ճարտարապետության, կերպարվեստի, երաժշտարվեստի, դիզայնի և մի շարք այլ ոլորտներում:
Ծրագիրը ՀՀ-ԵՄ Համապարփակ և ընդլայնված գործընկերության համաձայնագրի (ՀԸԳՀ) մի մասն է: Ծրագրին Արևելյան գործընկերության երկրներից մասնակցում են նաև Վրաստանը, Ուկրաինան և Մոլդովան:
Նախատեսվում է անդամավճար, որը չափվում է բավականին բարդ ֆինանսական մեխանիզմով` ներառելով գործառնական հատկացում և մասնակցության վճար: Այս տարի Հայաստանը պետք է վճարի 54 հազար եվրոյի չափով անդամավճար:
Կգործի համապատասխան գրասենյակ, որն անհատ ստեղծագործողներին և մշակութային կազմակերպություններին կիրազեկի հնարավորությունների մասին, կզարգացնի նրանց կարողությունները լավագույն դրամաշնորհային հայտեր մշակելու և ներկայացնելու հարցում:
