24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Լաչինի միջանցքի պատասխանատուն Ռուսաստանն է. Արմեն Գրիգորյան․ ՏԵՍԱՆՅՈՒԹ
Քաղաքականություն
20.12.2022 | 12:02
Լաչինի միջանցքի պատասխանատուն Ռուսաստանն է. ԱԺ արտահերթ նիստի ընթացքում հայտարարեց ՀՀ Անվտանգության խորհրդի քարտուղար Արմեն Գրիգորյանը՝ ի պատասխան Հայաստան խմբակցության պատգամավոր Արծվիկ Մինասյանի հարցի՝ եթե Հայաստանը չի հրաժարվել Արցախի անվտանգության երաշխավորը լինելուց, ապա ի՞նչ գործողություններ է անում, որպեսզի Լաչինի միջանցքի հարցը լուծվի։
Գրիգորյանը հիշեցրեց, որ 2020-ի նոյեմբերի 9-ի հայտարարությամբ Լաչինի միջանցքի անվտանգության ապահովողը ՌԴ–ն է։
«Ես կոչ կանեի ընդդիմությունը նաև այս ուղղությամբ աշխատել, որ Ռուսաստանը կատարի իր պարտավորությունները»,- նշեց ԱԽ քարտուղարը։
«Մենք աշխատում ենք ՌԴ-ի հետ, որպեսզի հնարավորինս արագ բացվի Լաչինի միջանցքը։ Այս պրովոկացիան, որն էթնիկ զտման նպատակով կազմակերպել է Ադրբեջանը, պետք է զգոն պահի բոլորին, և այս առումով իշխանությունն իր ձեռքի տակ եղած բոլոր գործիքներն օգտագործում է ճգնաժամը հանգուցալուծելու համար»,- ասաց Գրիգորյանը։
ԱԺ նախագահ Ալեն Սիմոնյանը հիշեցրեց, որ նշյալ թեմայով ԱԺ-ն հայտարարություն է ընդունել, որին չի մասնակցել ընդդիմությունը։
Մանրամասները՝ տեսանյութում։
