Տեղահանված քաշաթաղցիները դեռ անտուն են. կառավարությունը բանակցում է բանկերի հետ․ ՏԵՍԱՆՅՈՒԹ

Լուրեր

20.11.2026 | 21:00
Տրագիկոմեդիա է․ ընդդիմությունը չի ուզում ազատվել վարչապետ Փաշինյանից, թեև մեղադրում է ադրբեջանական լինելու մեջ․ Արսեն Թորոսյան. ՏԵՍԱՆՅՈՒԹ
20.11.2026 | 20:50
Կառլեն Հովհաննիսյանը՝ «Ակրոնի» լավագույն ֆուտբոլիստ
20.11.2026 | 20:45
Euro 4-ը, խցանումներն ու Ավինյանը․ ո՞ր մեքենաները կարող են հայտնվել սահմանափակման տակ. ՏԵՍԱՆՅՈՒԹ
20.11.2026 | 20:37
ԵՄ-ն ու Մեծ Բրիտանիան Brexit-ից հետո կապերն ամրապնդելու համար «նշանակալի համաձայնագիր» են կնքել
20.11.2026 | 20:25
Գյումրիում ԵԱՏՄ երկրների մաքսային ծառայությունները 21 որոշում են ընդունել․ Հակոբյանը վերանշանակվել է կոլեգիայի փոխնախագահ
20.11.2026 | 20:13
Հունգարիան հանել է վետոն ԵՄ-ին Ուկրաինայի անդամակցության համար 4-րդ և 5-րդ կլաստերները բացելու հետ կապված
20.11.2026 | 20:00
Ադրբեջանը կստորագրի Խաղաղության համաձայնագիրը, եթե ԹՐԻՓՓ-ի իրագործումը տեսանելի դառնա․ Սահմանադրությունը պատրվակ է․ Արմեն Պետրոսյան․ ՏԵՍԱՆՅՈՒԹ
20.11.2026 | 19:51
Չհամարձակվե՛ք մեզ ասել, որ մենք դեմ ենք խաղաղության գործընթացին․ Արամ Վարդևանյան. ՏԵՍԱՆՅՈՒԹ
20.11.2026 | 19:40
ՌԴ-ն մանրամասներ է հայտնել Ղրիմի կամրջի վնասների մասին
20.11.2026 | 19:30
ՀԱՊԿ-ը կարող է հեռացնել ՀՀ-ին՝ առանց նրա համաձայնության․ ինչո՞ւ չի անում և ի՞նչ է նախատեսում կանոնադրությունը 
20.11.2026 | 19:21
ՀՀ-ում հասարակական կազմակերպությունները թափանցիկ են աշխատում․ Թագուհի Ղազարյան. ՏԵՍԱՆՅՈՒԹ
20.11.2026 | 19:12
Խաղաղության պայմանագիրը բերե՛ք, ստորագրենք, վավերացնե՛նք․ Վարդևանյան. ՏԵՍԱՆՅՈՒԹ
20.11.2026 | 19:00
Փաստը, որ ԱՄՆ-ը քննարկում է եվրոպական անվտանգության ճարտարապետությունը, հաղթանակ է Մոսկվայի համար․ Կուրտ Վոլքեր․ ՏԵՍԱՆՅՈՒԹ
20.11.2026 | 18:52
«Էս մարդիկ խաղաղության վերջին խոչընդոտն են». Ռուբեն Ռուբինյան. ՏԵՍԱՆՅՈՒԹ
20.11.2026 | 18:43
Պարոն Ռուբինյա՞ն, ի՞նչ կա էդքան ոգևորվել եք․ Աննա Գրիգորյան․ ՏԵՍԱՆՅՈՒԹ
Բոլորը

Կառավարությունը քննարկում է տեղահանված արցախցիներին բնակարաններով ապահովելու ծրագրում որոշակի փոփոխություններ իրականացնելու հարցը։ Աշխատանքի և սոցիալական հարցերի նախարար Նարեկ Մկրտչյանն ասում է՝ փորձում են խնդիրը լուծել բանկերի հետ համագործակցությամբ հիփոթեքային տարբերակով։ Շուրջ 2 տարի է անցել պատերազմի ավարտից, սակայն տեղահանված ընտանիքների համար բնակարանային ապահովման պետական աջակցության ծրագրի հաստատումից 10 ամիս անց շարունակվում են դժգոհությունները, որ այս ծրագրով հնարավոր չէ բնակարան ձեռք բերել։

Բերձորի շրջանի Քաշաթաղ բնակավայրից տեղահանվածները երեք ամիս առաջ ստացել են բնակարան ձեռք բերելու 160 հավաստագիր։ Մինչ օրս նրանցից ընդամենը 2-ն է կարողացել բնակարան գնել։ Ծրագրի գործնական փուլում պարզվել է՝ բանկերը քաղաքացիների ընտրած բնակարանները վաճառողի սահմանած գնից ցածր են գնահատում, իսկ տարբերությունը մնում է քաղաքացու վրա։

Բացի այդ՝ ծրագրի մասնակիցների մեծ մասը բանկերի սև ցուցակներում է, թեև պետության ու բանկերի միջև համաձայնությամբ հնարավոր է՝ խնդիրն առաջիկայում լուծվի։ Շահառուներին կտրվի մինչև 8 մլն դրամ, եթե բնակարանը Երևանում է, մինչև 10 մլն՝ եթե մարզերում է և մինչև 12 մլն դրամ, եթե Արցախում է։ Բացի այդ՝ մինչև 14 մլն դրամ կստանան սահմանամերձ բնակավայրերում բնակարան ձեռք բերելու և մինչև 16 մլն դրամ՝ հողատարածք գնելու, շինարարական աշխատանքներ իրականացնելու համար։ Ծրագրի նախնական քննարկումների ժամանակ գումարի սահմանված չափից առաջ նշված չի եղել մինչև բառը, որը ծրագրում տեղ գտնելով ՝ հավելյալ խնդիրների պատճառ է դարձել։

Քաղաքացիները վերջերս խորհրդարանում այս խնդրի շուրջ հանդիպում են ունեցել մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանի հետ։ Նրա համոզմամբ ՝ մինչև բառը, որ տեղ է գտել ծրագրում, տեխնիկական խնդիր չէ, այն լուրջ բովանդակային իմաստ ունի, քանի որ մի բան է, երբ ասվում է 10 մլն, մեկ այլ ՝ երբ ասվում է ՝ մինչև 10 մլն։

Քաշաթաղցիները Թովմասյանին առաջարկել են աշխատանքային խումբ ստեղծել՝ իրենց և կառավարության ներկայացուցիչների մասնակցությամբ։ Առաջարկը Թովմասյանը փոխանցել է կառավարություն, արձագանք դեռ չկա։
Ծրագրի հաստատումից տևական ժամանակ է անցել, ու մեկ այլ խնդիր է այդ ընթացքում գրանցված անշարժ գույքի էական գնաճը։ Խորհրդարանի իշխանական ՔՊ խմբակցության պատգամավոր, աշխատանքի և սոցիալական հարցերի նախկին նախարար Զարուհի Բաթոյանի խոսքով ՝ եթե քաղաքացիները որոշակի խնդիրներ ունեն, առնվազն կան օբյեկտիվ հիմքեր, դրանք լսելու ու քննարկելու համար։ Ըստ նրա, ծրագիրը ոչ թե փոխհատուցման, այլ ՝ սոցիալական աջակցության ծրագիր է և ամբողջական չի լուծելու խնդիրները, բայց սոցիալական լարվածության նվազեցմանը կարող է նպաստել։

«Վերադարձ դեպի Քաշաթաղ» ՀԿ-ի նախագահին օրերս ընդունել են Հայաստանի աշխատանքի և սոցիալական հարցերի նախարարությունում, քննարկել ծրագրի հետ կապված խնդիրները և խոստացել առաջիկայում դրանց լուծում տալ։

Քաշաթաղցիներն ակնկալում են, որ նախարարությունը ՝ համագործակցելով ծրագրով զբաղվող մյուս գերատեսչությունների հետ, կբավարարի իրենց պահանջներն ու վերջապես գլխավերևում սեփական տանիքը կունենան։

Մանրամասները՝ տեսանյութում։

Էդուարդ Պողոսյան