24.03.2026 | 13:10
ՌԴ-ն հրթիռներով և ԱԹՍ-ներով զանգվածային հարված է հասցրել Ուկրաինային․ զոհեր կան
Ո՞ւր են Պուտինի նկար բռնող, Спасибо, Россия ասողները․ վայելե՛ք ձեր խաղաղապահներին, հանցագործնե՛ր․ ՏԵՍԱՆՅՈւԹ
Քաղաքականություն
16.12.2022 | 20:02
Բավարա՞ր են արդյոք ՀՀ քաղաքական ղեկավարության քայլերը, որ Իլհամ Ալիևի ակտիվիստները դադարեցնեն սադրանքները։ Հինգ օր փակված են պահել Լաչինի միջանցքը, և չկա որևէ երաշխիք, որ պարբերական սադրանքներ չեն լինելու, գազի մատակարարումը նորից չեն խափանելու։ «Հանուն Հանրապետության» կուսակցության փոխնախագահ Ռուբեն Մեհրաբյանը Factor TV-ին տված հարցազրույցում ռազմաքաղաքական ճգնաժամ է որակում ստեղծված դրությունը, որտեղ ռազմական կոմպոնենտը ռուս խաղաղապահներն են կազմում՝ իրենց անկարողությամբ։ «Եթե դիվանագիտական բառապաշարի ծխածածկույթը դնենք մի կողմ, ապա սա համատեղ ռուս-ադրբեջանական ակցիա էր ընդդեմ հայ ժողովրդի, ընդդեմ Հայաստանի Հանրապետության՝ Արցախի միջոցով, որպեսզի ՀՀ-ին նորանոր զիջումներ պարտադրեն։ ՌԴ-ն և Ադրբեջանն այստեղ տարբերվող շահեր ունեն, սակայն ՀՀ-ի վրա ճնշում գործադրելու հարցում երկուսի շահերը նույնական են։ Այս ճգնաժամը ֆիքսեց, որ ՌԴ-ն և Ադրբեջանը հետապնդում են նույն շահերը»,- ասաց Ռուբեն Մեհրաբյանը։ Նա տեսնում է շանսեր, որ «Ռուսաստանի և Ադրբեջանի համատեղ ջանքերի շնորհիվ հարուցված ճգնաժամը կհանգուցալուծվի», և ըստ Մեհրաբյանի՝ այն առաջին հերթին կանխվում է ՀՀ-ի և ԼՂ-ի՝ չընկրկելու շնորհիվ, և պաշտոնական Երևանն իր ջանքերն սկսեց համադրել Արևմուտքի հետ․ «Ադրբեջանը հասկացավ, որ գնալով քաղաքական գինը բարձրանում է, և իր օգուտները շատ ավելի քիչ են, քան այն վնասները, որ կարող են լինել այս ամենի՝ երկարելու դեպքում։ Այո, տեղի ունեցավ մասամբ հետքայլ։ Թե ինչ կհետևի սրան, ես դժվարանում եմ ասել։ ՀՀ-ն ինչ անում է այս հարցում, համարժեք է իրավիճակին, բայց բավարար չէ, որ ստեղծվեն ինստիտուցիոնալ երաշխիքներ նման բանի՝ չկրկնվելու համար։ Մեր խնդիրն է անել ամենը, որ հաջորդ էսկալացիան չլինի»։ Ռուբեն Մեհրաբյանը խոսելով ՌԴ-ի խաղաղապահ առաքելության մասին՝ կարծիք է հայտնում․ «Այսպես կոչված, խաղաղապահները դառնում են ճգնաժամի գեներատոր՝ այս էլ քանի անգամ։ Ամեն անգամ լսում ենք «գիտահետազոտական» բացատրություններ, թե ինչու ռուս խաղաղապահները չեն կատարում իրենց պարտականությունները։ Հետո որոշ մարդիկ բացատրում են, թե Ադրբեջանի քայլերն ուղղված են ռուս խաղաղապահներին արժեզրկեն։ Ո՞վ է ձեզ խնդրել ՌԴ-ին բացատրել, թե որն է իրենց «թասիբը»։ Ո՞ւր են Պուտինի նկար բռնողները, Спасибо, Россия! ասողները․ վայելե’ք ձեր խաղաղապահներին, հանցագործնե՛ր»։
Հարցազրույցն ամբողջությամբ՝ տեսանյութում։
Ռոբերտ Անանյան
