Մեսրոպ Մակյանը՝ Մնացական Մարտիրոսյանի ընտրության և Կարեն Անդրեասյանի՝ ԲԴԽ նախագահ դառնալու մասին․ ՏԵՍԱՆՅՈւԹ

Ինչպե՞ս ստացվեց, որ Կոռուպցիայի կանխարգելման հանձնաժողովի  և միջազգային փորձագետների բացասական եզրակացությունների առկայության պայմաններում Բարձրագույն դատական խորհուրդը Մնացական Մարտիրոսյանին ընտրեց Հակակոռուպցիոն դատարանի դատավորի թեկնածու: Factor.am-ի հարցին ի պատասխան ԲԴԽ դատավոր անդամ Մեսրոպ Մակյանը պատասխանեց, որ ցանկացած եզրակացություն, այդ թվում՝ նաև Կոռուպցիայի կանխարգելման հանձնաժողովի  և միջազգային փորձագետների կողմից տրված եզրակացությունները, խորհրդատվական  բնույթի են և պարտադիր չեն Բարձրագույն դատական խորհրդի համար:

«Հակառակ պարագայում կստացվի մի իրավիճակ, որ այդ մարմիններն են որոշելու՝ որ դատավորն ընտրվի և որը՝ ոչ, մինչդեռ նշված գործառույթը Խորհրդի բացառիկ լիազորությունների սահմաններում է: Հաշվի են առնվել այդ եզրակացությունները, դրանք կրել են խորհրդատվական բնույթ, և՛ թերությունների, և՛ առավելությունների  առկայության պայմաններում խորհուրդը գտել է, որ նշված անձը կարող է պաշտոնավարել»,- ասաց Մեսրոպ Մակյանը:

Հարցին՝ ինչպես ստացվեց, որ դատավորներին սուր քննադատության ենթարկած Կարեն Անդրեսայանն ընտրվեց ԲԴԽ նախագահ, Մեսրոպ Մակյանը պատասխանեց, որ, իր կարծիքով, այդ հարցը միայն իրեն չէ ուղղված, այլ նաև՝ ԲԴԽ մյուս անդամներին, քանի որ Խորհրդի յուրաքանչյուր անդամ մեկ ձայնի իրավունք ունի:

Մակյանը նշեց, որ Արդարադատության նախարար եղած ժամանակ Անդրեասյանը վարույթ հարուցող անձն է եղել, և պարզ է, որ պետք է համոզմունք ունենար,  որ դատավորները կարգապահական խախտում են կատարել:

Մանրամասները՝ տեսանյութում։