15.09.2026 | 22:12
«Մարդը պետք է գերակա լինի ԱԲ-ի նկատմամբ»․ Microsoft-ը վարքագծի կանոնագրքի նախագիծ է հրապարակել
Միջազգային իրավական գործընթացի շնորհիվ որոշակի դինամիկա կա. Լիպարիտ Դրմեյան․ ՏԵՍԱՆՅՈՒԹ
Հասարակություն
16.12.2022 | 15:10
Միջազգային իրավական հարցերով ներկայացուցչի գրասենյակը ոչ միայն Եվրոպական դատարան է գանգատ ներկայացրել, այլ նաև դիմել է ՄԱԿ-ի արդարադատության միջազգային դատարան: «Հումանիտար աղետ. ի՞նչ գործիքներ ունեն Հայաստանն ու Արցախը կանխելու ճգնաժամը» թեմայով ասուլիսում այս մասին հայտնեց Միջազգային իրավական հարցերով ՀՀ ներկայացուցչի գրասենյակի ղեկավար Լիպարիտ Դրմեյանը:
«Արդարադատության միջազգային դատարան դիմել ենք նամակով՝ խնդրելով, փոխանցել Ադրբեջանին մեր այն դիրքորոշումը, որ 48 ժամվա ընթացքում պետք է ապաշրջափակվի Բերձորի միջանցքը, որպեսզի մարդկանց հնարավորություն տրվի ազատ տեղաշարժի իրավունքն ապահովել»,-նշեց Դրմեյանը՝ հավելելով, որ եթե Ադրբեջանը չիրականացնի պահանջը, նոր նախականխիչ միջոց կիրառելու վերաբերյալ նոր դիմում կներկայացվի։
Անդրադառնալով ՄԻԵԴ ներկայացված դիմումին ՝ Դրմեյանը նշեց, որ միջանկյալ միջոց կիրառելու պահանջը երկու կոմպոնենտ է ներառում՝ ամբողջությամբ ապաշրջափակել ճանապարհը և նշված են այն անձանց տվյալները, որոնք Հայաստան տեղափոխվելու անհապաղ անհրաժեշտություն ունեն. «Մեր դիմումն ուղարկելուց 1-2 ժամ անց ստացանք դատարանի նամակն այն մասին, որ Ադրբեջանին տրված է մինչև երկուշաբթի ժամը 16։00-ն ժամանակ, որպեսզի ներկայացնի դիրքորոշում մեր պահանջի վերաբերյալ»։
Մանրամասները՝ տեսանյութում։
