09.10.2026 | 16:32
Ռուբինյանն ընդունել է Հայաստանում ԵՄ դիտորդական առաքելության ղեկավարին
ԱԺ-ի պարիսպն այժմ կրկնակի բարձր է․ ավելացվել են ճաղավանդակներ․ ԼՈՒՍԱՆԿԱՐՆԵՐ
15.12.2022 | 15:55
Ազգային ժողովի շենքի պարիսպը նախկինի համեմատ արդեն կրկնակի բարձր է։ Մոտ մեկ ամիս առաջ իրականացվել էր դրա բարձրությունը ավելացնելու ուղղությամբ նախապատրաստական աշխատանք, իսկ այսօր խորհրդարանի շենքի պարսպի բարձրությունը էականորեն ավելացվեց։ Ինչո՞վ է պայմանավորված պարսպի բարձրությունը կրկնապատկելու այս որոշումը․ Ազգային ժողովի հասարակայնության հետ կապերի և հաղորդակցության վարչության պետ Լաուրա Անտոնյանը Factor.am-ի հետ զրույցում պարզաբանեց․ «ԱԺ տարածքը համարվում է պետական պահպանության տարածք, պետական պահպանության ծառայությունն է առաջարկել անվտանգային աշխատանք իրականացնել և պատը, քանի որ 1․5 մետր է՝ բարձրացնել»։
Հիշեցնենք՝ մի քանի օր առաջ խորհրդարանն ընդունեց կառավարության ներկայացրած օրենսդրական նախաձեռնությունը, որով Պետական պահպանության ծառայությունն առանձնացվում է Ազգային անվտանգության ծառայության մարմիններից և դառնում վարչապետին ենթակա առանձին մարմին:
Ինչ վերաբերում է խորհրդարանի տարածքում անվտանգային միջոցառումներին՝ հիշեցնենք, որ 2018 թվականի հայտնի իրադարձություններից հետո Նիկոլ Փաշինյանն հրահանգել էր ԱԺ-ի շենքի դարպասները բացել՝ հայտարարելով, թե քաղաքացիների առջև փակ դռներ չեն լինելու։ 2020 թվականի 44-օրյա պատերազմից և Երևանում գրանցված անկարգություններից հետո դրանք կրկին փակվեցին։
