30.10.2026 | 14:46
Հայտնի է՝ երբ է բացվելու «Միլանի» և «Ինտերի» նոր ստադիոնը
Ակնկալում ենք, որ ՌԴ-ն քաղաքական գնահատական կտա․ Էդմոն Մարուքյան․ ՏԵՍԱՆՅՈՒԹ
Քաղաքականություն
15.12.2022 | 13:07
Ակնկալում ենք, որ Ռուսաստանի Դաշնությունը քաղաքական գնահատական կտա տեղի ունեցող գործընթացների վերաբերյալ, նաև կապահովի Լաչինի միջանցքի անարգել շարժը: Կառավարության նիստից հետո ճեպազրույցի ժամանակ այս մասին նշեց ՀՀ հատուկ հանձնարարություններով դեսպան Էդմոն Մարուքյանը:
«Ռուսական խաղաղապահ ուժերից տեղեկատվություն կա, որ բանակցություններ են ընթանում: Հույս ունենք, որ այդ բանակցությունները արդյունք կտան, և միջանցքը կբացվի:
Դրա այլընտրանքն արդեն բազմաթիվ հայտարարություններում արձանագրված է՝ էթնիկ զտման և ցեղասպան քաղաքականության իրագործումն է, որը ո՛չ մենք, ո՛չ միջազգային հանրությունը չպետք է թույլ տանք,- նշեց Մարուքյանը:
«Լաչինի միջանցքի բացումը և հումանիտար աղետի կանխումը դեռևս հարցի լուծում չէ, խնդիրը երկարատև լուծում է պահանջում, քանի որ վաղը նույն ճանապարհը կարող են փակել մեկ այլ պատրվակով: Միջազգային հանրության հետ մեր աշխատանքներում տանում ենք այն գիծը, որ խնդիրը երկարատև լուծում է պահանջում»,- ընդգծեց ՀՀ հատուկ հանձնարարություններով դեսպանը։
Մանրամասները՝ տեսանյութում։
