17.08.2026 | 23:08
Զորականում և Ամասիայում շչակներ են փորձարկվելու
Քարվաճառում 8 ադրբեջանցի է պայթել ականի վրա, որից 4-ը՝ զինծառայողներ
Քաղաքականություն
15.12.2022 | 12:51
Արցախի գրավյալ տարածքներում ադրբեջանցիների՝ ականի վրա պայթելու հերթական դեպքն է տեղի ունեցել։Ադրբեջանի գլխավոր դատախազությունը, ՆԳՆ-ն և ՊՆ-ն հայտնում են, որ Քարվաճառում ութ մարդ է պայթել ականի վրա, որից մեկը մահացել է։
«Դեկտեմբերի 14-ին ժամը 18։00-ի սահմաններում տեղեկություն է ստացվել, որ 8 մարդ է պայթել։ Իրականացված նախնական հետաքննությունը պարզել է, որ հակահետևակային ականի վրա պայթել է վերանորոգման և շինարարական աշխատանքներով զբաղվող ընկերության 4 աշխատակից։ Նաև պարզվել է, որ 4 զինծառայաղ, որոնք գնացել են դեպքի վայր՝ տարհանում իրականացնելու, պայթել են ականի վրա։ Նրանցից 3-ը տարբեր աստիճանի վնասվածքներ է ստացել, մեկը մահացել է»,- ասվում է հաղորդագրության մեջ։
Էմմա Չոբանյան
