26.07.2026 | 23:49
ՃՏՊ՝ հրդեհի բռնկմամբ․ կան զոհեր և տուժածներ
Իրանն ու Չինաստանը պայմանավորվել են նավթի և գազի հանքավայրերի շահագործման շուրջ
Քաղաքականություն
14.12.2022 | 18:35
Չինաստանի փոխվարչապետ Հու Չունհուայի՝ Իրան կատարած այցի ընթացքում Պեկինն ու Թեհրանը մի շարք համաձայնագրեր են ստորագրել նավթի և գազի հանքավայրերի համատեղ մշակման վերաբերյալ։ Այս մասին հայտնել է Իրանի նավթի նախարար Ջավադ Օուջին, գրում է ՌԻԱ Նովոստին։
«Փոխվարչապետ Հու Չունհուայի այս այցի ընթացքում Չինաստանի հետ կնքվել են լավ համաձայնագրեր և հուշագրեր՝ նավթի և գազի հանքավայրերի համատեղ զարգացման վերաբերյալ»,- ասել է Օուջին։
Երեքշաբթի Հու Չունհուան հանդիպումներ է ունեցել Իրանի նախագահ Իբրահիմ Ռաիսիի և առաջին փոխնախագահ Մոհամմադ Մոխբերի հետ։ Կողմերը քննարկել են Չինաստանի նախագահ Սի Ցզինպինի այցը Էր Ռիադ, 25 տարվա ռազմավարական գործընկերության համաձայնագրի իրականացման գործընթացը, ինչպես նաև նավթի ու գազի և ներդրումային ոլորտներում համագործակցության հարցեր։
Տաթև Ֆռանգյան
