Խաղաղապահների գործունեությունը ԼՂ-ում վերաիմաստավորելու կարիք կա․ ՔՊ-ական պատգամավոր․ ՏԵՍԱՆՅՈՒԹ

Լուրեր

20.11.2026 | 19:00
Փաստը, որ ԱՄՆ-ը քննարկում է եվրոպական անվտանգության ճարտարապետությունը, հաղթանակ է Մոսկվայի համար․ Կուրտ Վոլքեր․ ՏԵՍԱՆՅՈՒԹ
20.11.2026 | 18:52
«Էս մարդիկ խաղաղության վերջին խոչընդոտն են». Ռուբեն Ռուբինյան. ՏԵՍԱՆՅՈՒԹ
20.11.2026 | 18:43
Պարոն Ռուբինյա՞ն, ի՞նչ կա էդքան ոգևորվել եք․ Աննա Գրիգորյան․ ՏԵՍԱՆՅՈՒԹ
20.11.2026 | 18:39
Եթե ՌԴ-ն գազը թանկացնի, իրավիճակը կկառավարենք․ պիտի որոշենք՝ կայսերական ամբիցիաներին տրվո՞ւմ ենք․ Արսեն Թորոսյան
20.11.2026 | 18:30
«Իմ առաջարկից հետո մի շարք ՀԿ-ներ Ձեր հրաժարականն էին պահանջում»․ Ֆարմանյանը՝ փոխնախարարին․ ՏԵՍԱՆՅՈՒԹ
20.11.2026 | 18:29
Շվեդիան վիզա չի տրամադրի ռուս մարզիկներին
20.11.2026 | 18:19
Բանակից ազատելու դեպքերն ուսումնասիրեք 2018-ից հետո. Էդգար Ղազարյան․ ՏԵՍԱՆՅՈՒԹ
20.11.2026 | 18:15
Թույլ չենք տալու Հայաստանը տանել-մտցնել այլ պետության կազմ․ Ռուբինյանը՝ ընդդիմությանը․ ՏԵՍԱՆՅՈՒԹ
20.11.2026 | 18:10
Սամվել Կարապետյանը՝ Փաշինյանի առաջարկի մասին // Սամվել Մկրտչյանը՝ ՌԴ-ում ՀՀ նոր դեսպան․ ԼՈՒՐԵՐ
20.11.2026 | 18:07
Ինքնիշխանությունը կիսատ քարտեզը կրծքին փակցնելը չէ. Մարիաննա Ղահրամանյան․ ՏԵՍԱՆՅՈՒԹ
20.11.2026 | 18:01
Նոյեմբերի 29-ի ՏԻՄ ընտրությունների 66 տեղամասային կենտրոնում սանհանգույց չկա, 29-ի դեպքում տվյալները բացակայում են․ ՀՔԱՎ
20.11.2026 | 17:53
Պուտինի, Թրամփի և Սի Ցզինպինի ընդունած «խաղաղության հռչակագրում» Ուկրաինային վերաբերող կետ է եղել, որն ԱՄՆ-ի խնդրանքով հանվել է․ Ստուբ
20.11.2026 | 17:50
Եթե այս օրենքն էլ ընդունվի, ամեն տարի առնվազն մոտ 100 քաղաքացի ազատվելու է ծառայությունից. Մանուկյան․ ՏԵՍԱՆՅՈՒԹ
20.11.2026 | 17:45
Դատարանը մերժել է Վարդան Ղուկասյանից 400 քմ հողատարածքը պետությանը վերադարձնելու Դատախազության հայցը
20.11.2026 | 17:37
Լեհաստանի իշխանությունները հայտնել են երկրի տարածքում ռուսական երկու հրթիռի և մեկ ԱԹՍ-ի ընկնելու մասին
Բոլորը

Ազգային ժողովում քննարկվում է «Քաղաքացիական պայմանագիր» խմբակցությունը ներկայացրած «Ադրբեջանի կողմից ԼՂ-ում հումանիտար ճգնաժամ հարուցելու մասին» հայտարարության նախագիծը։

«2020 թ նոյեմբերի 9-ի եռակողմ հայտարարությունը հստակ սահմանում է, որ Լաչինի միջանցքը, որն ապահովելու է ԼՂ կապը Հայաստանի հետ, մնում է ՌԴ խաղաղապահ զորակազմի վերահսկողության ներքո, և, որ Ադրբեջանի Հանրապետությունը երաշխավորում է միջանցքով քաղաքացիների, տրանսպորտային միջոցների, բեռների՝ երկու ուղղություններով տեղաշարժի անվտանգությունը։

Ելնելով այս դրույթից՝ «Քաղաքացիական պայմանագիր» խմբակցության ներկայացրած հայտարարության նախագիծը բնականաբար ներառում է կոչ ՌԴ-ին՝ ապահովելու ստանձնած պարտավորությունների լիակատար իրականացումը խաղաղապահների վերահսկողության գոտում՝ այն է ապահովել ԼՂ կապը Հայաստանի հետ:

Դժբախտաբար, արդեն 2 օրից ավելի է, ինչ այդ կապը խափանված է ադրբեջանական սադրանքի պատճառով, և այդ պարտավորության չկատարումը հանգեցնում է հումանիտար ճգնաժամի»,- այս մասին նշեց «Քաղաքացիական պայմանագիր» խբակցության պատգամավոր Սարգիս Խանդանյանը։

Պատգամավորի դիտարկմամբ՝ ստեղծված ճգնաժամի հանգուցալուծման համար հայկական կողմի ակնկալիքն է, որ այդ պարտավորությունը րոպե առաջ կատարվի:

«Այնուամենայնիվ, առավել երկարաժամկետ լուծումներ գտնելու և հետագայում այսպիսի իրավիճակներից խուսափելու, ԼՂ հայությանը հումանիտար աղետի վտանգից զերծ պահելու նպատակով խաղաղապահ զորախմբի գործունեությունը ԼՂ-ում և Լաչինի միջանցքի երկայնքով որոշակիորեն վերաիմաստավորվելու և կայունության, և հեղինակության հաղորդման անհրաժեշտություն է տեսնում:

Առաջին հերթին խոսքը խաղաղապահ զորախմբի տեղակայման ժամկետի մասին է: Նոյեմբերի 9-ի հայտարարությամբ՝ խաղաղապահների գործունեության ժամկետը սահմանված է 5 տարի՝ ավտոմատ երկարացման հնարավորությամբ: Սակայն, քանի դեռ ԼՂ-ի հիմնախնդիրը համապարփակ չի կարգավորել, քանի դեռ չեն սահմանվել և միջազգայնորեն երաշխավորվել ԼՂ հայության իրավունքների ու անվտանգության պաշտպանության պարամետրերը, ապա խաղաղապահների մանդատը պետք է երկարաձգվի կամ դառնա անժամկետ՝ մինչև հարցի վերջնական լուծումը»,- նշեց Խանդանյանը։

Պատգամավորի խոսքով՝ ՀՀ ազգային ժողովի իշխող «Քաղաքացիական պայմանագիր» խմբակցությունը, դիմելով ՄԱԿ-ի Անվտանգության խորհրդին և ԵԱՀԿ Մինսկի խմբի համանախագահող և անդամ երկրներին, ակնկալում է, որ այսօր ԼՂ անվտանգության համար պատասխանատու խաղաղապահ զորախումբը կունենա միջազգայնորեն հաստատված մանդատ կամ կօժտվի խաղաղապահների ավելի լայն միջազգային մանդատով:
Խանդանյանի դիտարկմամբ՝ մինչև ԼՂ հիմնախնդրի համապարփակ կարգավորումը ԼՂ հայության անվտանգությունն ապահովելու և Ադրբեջանի սպառնալիքներից ու ահաբեկումներից նրանց պաշտպանելու նպատակով պետք է կարողանան առավելագույնս ներգրավել միջազգային հանրությանը՝ այսպիսի ճգնաժամերի լուծման գործում:

«Ուստի, դիմելով ՄԱԿ-ի ԱԽ-ին և ԵԱՀԿ Մինսկի խմբի համանախագահող և անդամ երկրներին, ակնկալում ենք, որ այսօր ԼՂ անվտանգության համար պատասխանատու խաղաղապահ զորախումբը կունենա միջազգայնորեն հաստատված մանդատ կամ կօժտվի խաղաղապահների ավելի լայն միջազգային մանդատով: Այս ուղղությամբ առաջին քայլը կարող է լինել ՄԱԿ-ի և ԵԱՀԿ-ի կողմից ԼՂ-ում հումանիտար իրավիճակի մոնիթորինգի նպատակով փաստահավաք առաքելության ուղարկումը, ինչը ի ցույց կդնի խաղաղապահների միջազգային մանդատի անհրաժեշտությունը»,-ընդգծեց պատգամավորը:

Մանրամասները՝ տեսանյութում։