Քաղաքականություն
14.12.2022 | 14:55Ազգային ժողովում քննարկվում է «Քաղաքացիական պայմանագիր» խմբակցությունը ներկայացրած «Ադրբեջանի կողմից ԼՂ-ում հումանիտար ճգնաժամ հարուցելու մասին» հայտարարության նախագիծը։
Ընդդիմադիր պատգամավորները բոյկոտել են ԱԺ արտահերթ նիստը, քանի որ իրենց ներկայացրած նախագիծը չի ներառվել ԱԺ արտահերթ նիստի օրակարգում։
«Քաղաքացիական պայմանագիր» խմբակցության ղեկավար Հայկ Կոնջորյանը ընդդիմության վարքագիծը որակեց արդեն սովորական դարձած «քաղաքական կապրիզ»։
Անդրադառնալով «Քաղաքացիական պայմանագիր» խմբակցության պատգամավոր Վիլեն Գաբրիելյանի ճշտող հարցին՝ ընդդիմության դժգոհությունը ոչ թե բուն հայտարարության բովանդակությունն էր, այլ՝ որ այն ՔՊ-ն է հեղինակե՞լ, Կոնջորյանը պատասխանեց, թե ընդդիմության ու բանականության հարաբերությունները գնալով ավելի են բարդանում ու չի կարող բացատրել ընդդիմության գործողությունների տրամաբանությունը։
«Փաստացի հետեւյալ պատկերն է՝ եթե դուք չեք համաձայնում մեր ուլտիմատումային պահանջներին, մենք կթողենք ու կգնանք: Տվեք մեզ մեր ուզածը, հակառակ դեպքում մենք կցատկոտենք, ոտքերը գետնին կխփենք, կհեռանանք, դուք կմնաք մենակ: Սա ես համարում եմ քաղաքական ինֆանտիլություն»,- նշեց ՔՊ խմբակցության ղեկավարը։
Հայկ Կոնջորյանը նաև ընդգծեց, որ ընդդիմության ներկայացրած նախագծով առաջարկված ձևակերպումները չեն տեղավորվում ՀՀ վարած պաշտոնական արտաքին քաղաքականության գործիքակազմերի մեջ և կարող են ոչ թե օգնել գործին, այլ վնասել։
Մանրամասները՝ տեսանյութում։
