23.11.2024 | 00:35
Թրամփի հետ հեռախոսազրույցը տեղեկատվական էր, բայց նաև շատ պոզիտիվ. Փաշինյան. ՏԵՍԱՆՅՈՒԹ
Արցախում կտնտեսեն վառելիքը․ ԱՄՆ-ի, ԵՄ-ի, Ֆրասիայի արձագանքը Լաչինի միջանցքի փակմանը․ Լուրեր
Քաղաքականություն
14.12.2022 | 14:18
- Արցախի տեղեկատվական շտաբից հայտնել են, որ Ադրբեջանի կողմից Լաչինի ճանապարհի և գազամատակարարման արգելափակման հետևանքով Արցախում առաջացել է բենզինի, դիզվառելիքի, հեղուկ և սեղմված գազի պակաս։ կառավարությունը տնտեսվարողների հետ պայմանավորվածություն է ձեռք բերել՝ անցնելու խնայողական ռեժիմի: Լցակայաններում վառելիք առաջնահերթ կտրամադրեն շտապ օգնության ծառայությանը, հասարակական տրանսպորտին և հատուկ ծառայություններին:
- Ֆրանսիայի ԱԳ նախարարությունը հայտարարություն է տարածել, որով կոչ է անում առանց նախապայմանների վերականգնել Լեռնային Ղարաբաղ մուտքն ու մատակարարումները՝ հարգելով այնտեղի բնակչության իրավունքները։
- Եվրամիությունից նույնպես հայտարարություն են տարածել, որով Միությունը կոչ է անում Ադրբեջանի իշխանություններին ապահովել միջանցքով տեղաշարժի ազատությունն ու անվտանգությունը՝ համաձայն 2020 թվականի նոյեմբերի 9-ի եռակողմ հայտարարության
ԱՄՆ պետքարտուղարություն խոսնակ Նեդ Փրայսն էլ հայտարարել է, որ Լաչինի միջանցքի փակումը լուրջ հումանիտար հետևանքներ ունի և հետ է մղում խաղաղության գործընթացը։ Ամերիկյան կողմը կոչ է անում Ադրբեջանի կառավարությանը վերականգնել միջանցքով ազատ տեղաշարժը։
Այս ժամի լուրերը՝ տեսանյութում։
