Քաղաքականություն
14.12.2022 | 13:37«Եթե ընդդիմությունը այդքան շատ է սիրում Արցախը, թող գնա այնտեղ էլ պաշտպանի Արցախը»,- այս մասին խորհրդարանում լրագրողների հետ զրույցում նշեց «Քաղաքացիական պայմանագիր» խմբակցության պատգամավոր Հակոբ Ասլանյանը՝ անդրադառնալով դիտարկմանը, որ ընդդիմությունը Լաչինի միջանցքում ստեղծված իրավիճակի շուրջ ԱԺ արտահերթ նիստ է հրավիրում և նախագիծ է ներկայացրել, ըստ որի՝ Արցախը չի կարող լինել Ադրբեջանի կազմում։
Դիտարկմանը, որ փակ է Արցախը Հայաստանին կապող ճանապարհը, Ասլանյանը պատասխանեց․ «90-ականներին էլ էր ճանապարհը փակ, բայց մենք գնում էինք»։
«Իշխանությունն անում է իր ձեռքից եկած ամեն ինչ․․․ Երբ խոսում ես տարածքի մասին, միջազգային հանրությունը քեզ թիկունք չի կանգնում, իսկ երբ խոսում ես մարդու իրավունքներից, դա ուրիշ է։ Մեր պարտությունը սկսվեց 94 թվականից, երբ որ սխալվեցինք քաղաքականության, դիվանագիտության մեջ և սկսեցինք տարածքի մասին խոսել․ հրադադարի պայանագիրը Ադրբեջանի հետ պետք է ոչ թե Հայաստանը ստորագրեր, այլ Արցախը։ Հայաստանը ստորագրեց, դրա հետևանքով մեզ կպցրեցին ագրեսորի պիտակ»,- նշեց Ասլանյանը։
Մանրամասները՝ տեսանյութում։
