09.10.2026 | 15:58
Վերացնել կալանքը, դադարեցնել հետապնդումը․ Արթուր Դանիելյանի գործի առնչությամբ 11 ՀԿ-ներ հայտարարություն են տարածել
Մունդիալ-2022. Ֆրանսիա-Մարոկկո կիսաեզրափակիչ խաղից առաջ
14.12.2022 | 11:33
Ֆուտբոլի աշխարհի առաջնության կիսաեզրափակիչի երկրորդ խաղում կմրցեն Ֆրանսիայի և Մարոկկոյի ընտրանինները:
«Արմենպրես»-ի հաղորդմամբ` աշխարհի 22-րդ առաջնության բացահայտումներից մեկը Մարոկկոյի ընտրանին է, որն արդեն իսկ նվաճել է բազմաթիվ ֆուտբոլասերների սրտերը: Հենց Մարոկկոն հետագա պայքարից դուրս թողեց նախ՝ Իսպանիային, այնուհետ՝ Պորտուգալիային: Մարոկկոն աչքի է ընկնում թիմային խաղով, որն էլ կարող է որոշիչ լինել կիսաեզրափակիչում` Ֆրանսիայի դեմ խաղում:
Ֆրանսիայի հավաքականն այս Մունդիալի ֆավորիտներից է ի սկզբանե: Աշխարհի գործող չեմպիոններին որոշ խաղեր հեշտությամբ էին տրվում, որոշները` ոչ, բայց Ֆրանսիան միշտ կարողանում էր օգտագործել իր մի քանի ֆուտբոլիստների անձնական որակները:
Երկու թիմերը մինչ այս միմյանց հետ մրցել են 5 անգամ: Ֆրանսիայի ընտրանին այդ խաղերից 3-ում հաղթել է, մեկում առավելության է հասել Մարոկկոն, ևս մեկ խաղ ավարտվել է ոչ-ոքի:
Մունդիալ-2022-ի կիսաեզրափակիչի Ֆրանսիա-Մարոկկո հանդիպումը կկայանա դեկտեմբերի 14-ին և կմեկնարկե Երևանի ժամանակով 23-00-ին:
