16.09.2026 | 22:35
Եվրոպա լիգա. «Արարատ-Արմենիան» պարտությամբ մեկնարկեց հիմնական փուլում. ՏԵՍԱՆՅՈՒԹ
Պեկինն արգելել է Loongson պրոցեսորների արտահանումը Ռուսաստան
Քաղաքականություն
13.12.2022 | 19:51
Չինաստանի կառավարությունն արգելել է Loongson պրոցեսորների մատակարարումը Ռուսաստան, գրում է «Կոմերսանտը»՝ հղում անելով Թվային զարգացման նախարարությանը մոտ կանգնած աղբյուրին։
Արգելքը պայմանավորված է նրանով, որ չիպերի արտադրության տեխնոլոգիան ռազմավարական նշանակություն ունի և օգտագործվում է չինական ռազմարդյունաբերական համալիրում։
«Չնայած ռուսական ընկերությունները մեծ կախվածություն չունեին չինական պրոցեսորներից՝ զուգահեռ ներմուծման տեսական արգելափակմամբ նրանք հույս ունեին անցնել Loongson-ի լուծումների»,- աղբյուրի խոսքերն է մեջբերում լրատվականը։
Ռուսական էլեկտրոնիկա արտադրողները ծրագրում էին Intel-ի պրոցեսորները փոխարինել Loongson-ով, եթե զուգահեռ ներմուծման ուղիներն արգելափակվեն, սակայն այժմ արգելված է նաև չինական չիպերի ներմուծումը։
Ուկրաինայում լայնածավալ պատերազմի բռնկումից հետո պրոցեսորների հիմնական արտադրողները դադարեցրել են մատակարարումները Ռուսաստան: Համաձայն զուգահեռ ներմուծման մասին ռուսական նոր օրենքի՝ Intel-ի պրոցեսորները, այնուամենայնիվ, թույլատրվում է ներմուծել երկիր, բայց երբ դրանք սպառվեն, նախատեսվում էր անցնել չինական Loongson ընկերության չիպերին:
Տաթև Ֆռանգյան
