27.02.2026 | 01:53
«Նոան» խոշոր հաշվով պարտվեց «ԱԶ Ալկմարին» ու դուրս մնաց Կոնֆերենցիաների լիգայից․ ՏԵՍԱՆՅՈՒԹ
ԱՄՆ-ն պատժամիջոցներ է սահմանել Էրդողանի մտերիմ գործարարի նկատմամբ՝ Իրանի նավթի առևտրի հետ կապված
Քաղաքականություն
09.12.2022 | 22:43
ԱՄՆ-ը պատժամիջոցներ է սահմանել թուրք գործարար Սըթքը Այանի դեմ՝ Իրանի Իսլամական հեղափոխության պահապանների կորպուսից հարյուր միլիոնավոր դոլարների նավթային առևտրային ցանց գործարկելու համար։ Այս մասին գրում է Agence France-Presse-ը, որին վկայակոչում է Turkish Minute-ը։
Թուրքիայի նախագահ Ռեջեփ Թայիփ Էրդողանի գործընկեր Այան, նրա որդին ու մեկ բարձրաստիճան լեյտենանտ ԱՄՆ գանձապետարանի սև ցուցակում են ներառվել, սառեցվել է ԱՄՆ իրավասության տակ գտնվող ցանկացած ակտիվ, դա կխոչընդոտի նաև նրանց մուտքը համաշխարհային ֆինանսական և առևտրային շուկաներ։
Գանձապետարանը հայտնել է, որ Այանն օգնել է Իսլամական հեղափոխության պահապանների կորպուսի էլիտար «Քուդս» ուժերին՝ կազմակերպելով նավթի վաճառքն ու մատարարումը Չինաստան և արևելյան Ասիայի այլ գնորդներին, Եվրոպա և ԱՄԷ։
Նշվում է, որ նա նաև օգնել է վաճառքից ստացված հասույթը տեղափոխել Իսլամական հեղափոխության պահապանների կորպուս։ Այանն օգտագործել է Ջիբրալթարում գրանցված իր ASB ընկերությունների խմբի ցանցը՝ թաքցնելու նավթի ծագումը և վճարումների նպատակակետը:
Այանը նաև օգտագործել է իր ընկերություններից մեկը՝ Պանամայի դրոշով Իսլամական հեղափոխության պահապանների կորպուսի համար հեղուկացված բնական գազի լցանավ գնելու նպատակով:
Հավելենք, որ պատժամիջոցների ցանկում են նաև Քասըմ Օզթաշը՝ ASB Group-ի բարձրաստիճան պաշտոնյա, որը «ուղղակիորեն զբաղվում է Այանի բիզնեսի մեծ մասով», և Այանի որդին՝ Բահադդին Այանը:
Էմմա Չոբանյան
