25.11.2024 | 18:51
Թմրանյութը մաքսանենգ ճանապարհով ներկրել և իրացնում էին. երկու անձ կալանավորվել է
Դանիայում COVID-19-ն այլևս չի համարվում հատուկ միջոցառումներ պահանջող հիվանդություն
Քաղաքականություն
09.12.2022 | 23:18
Դանիայի առողջապահության վարչությունը որոշել է COVID-19-ը համարել հիվանդություն, որը հատուկ միջոցառումներ չի պահանջում, ինչպես գրիպը կամ սովորական մրսածությունը։ Այս մասին ասվում է գերատեսչության մամուլի հաղորդագրությունում, փոխանցում է ՏԱՍՍ-ը։
Նման որոշում է կայացվել, քանի որ COVID-19-ով հոսպիատալացվածների թիվը կայուն է, բնակչության մոտ բարձր է պատվաստվածների թիվը, ինչպես նաև այն պատճառով, որ վիրուսի «օմիկրոն» տարբերակն ավելի պակաս լուրջ հիվանդությունների է հանգեցնում։
«Եթե ձեզ հիվանդ եք զգում, պետք է մնաք տանը՝ անկախ ենթադրություններից՝ դա COVID է, գրիպ կամ որևէ այլ սուր շնչառական վարակ»,- ասվում է առողջապահության դեպարտամենտի մամուլի հաղորդագրության մեջ։
Վարչությունն այժմ խորհուրդ է տալիս թեստավորվել միայն այն դեպքում, եթե ի հայտ են եկել ախտանշաններ, եթե հիվանդը ռիսկային խմբում է, կամ եթե թեստավորումն անմիջականորեն կապված է բուժման հետ: Բացի այդ, այլևս չկան առաջարկություններ մեկուսացման վերաբերյալ՝ COVID-19-ի դրական թեստից հետո։
Տաթև Ֆռանգյան
