20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
ԱՊՀ երկրների ղեկավարների ոչ պաշտոնական գագաթնաժողովը տեղի կունենա դեկտեմբերի վերջին Սանկտ Պետերբուրգում
Քաղաքականություն
08.12.2022 | 21:36
Դեկտեմբերի վերջին Սանկտ Պետերբուրգում նախատեսվում է անցկացնել ԱՊՀ երկրների ղեկավարների ոչ պաշտոնական գագաթնաժողովը։ Այս մասին լրագրողների հետ ճեպազրույցում հայտնել է ՌԴ նախագահի միջազգային հարցերով օգնական Յուրի Ուշակովը, գրում է ՏԱՍՍ-ը։
«Տեղեկացնում եմ, որ ձևավորված ավանդույթի համաձայն՝ դեկտեմբերի վերջին Սանկտ Պետերբուրգում կկայանա ԱՊՀ անդամ պետությունների ղեկավարների ոչ պաշտոնական, ընկերական հանդիպումը»,- ասել է Ուշակովը։
Հավելենք, որ ավելի վաղ Կրեմլի խոսնակ Դմիտրի Պեսկովն ասել էր, որ ավանդաբար անցկացվող ԱՊՀ երկրների ղեկավարների ոչ պաշտոնական գագաթնաժողովի շրջանակում, հնարավոր է, տեղի ունենա Նիկոլ Փաշինյան-Իլհամ Ալիև հանդիպում։
«Ռուսաստանը, անկասկած, պատրաստ է ցուցաբերել անհրաժեշտ աջակցություն նման հանդիպումն իր մոտ անցկացնելու համար»,- նշել էր նա։
