18.12.2025 | 13:40
Ադրբեջանցի դատախազն առաջարկել է Ռուբեն Վարդանյանին դատապարտել ցմահ ազատազրկման
Կամ պայմանագրում պետք է հստակ նշվի ԼՂ-ի մասին, կամ ստեղծվի միջազգային մեխանիզմ. Արմեն Գրիգորյան․ ՏԵՍԱՆՅՈՒԹ
Տեսանյութեր
08.12.2022 | 17:16
Հայաստանի և Ադրբեջանի միջև խաղաղության պայմանագրի շուրջ աշխատանքները շարունակվում են: Լրագրողների հետ ճեպազրույցում այս մասին ասաց Անվտանգության խորհրդի քարտուղար Արմեն Գրիգորյանը՝ անդրադառնալով խաղաղության պայմանագրի նախագծի մասով ադրբեջանական կողմի առաջարկներին, որը փոխանցվել էր հայկական կողմին:
Անդրադառնալով Լեռնային Ղարաբաղի հիմնախնդրին՝ Գրիգորյանը նշեց, որ դեռևս վերջնական որոշումը չկա՝ խաղաղության պայմանագրո՞վ է Լեռնային Ղարաբաղի հարցը լուծվելու, թե՞ առանձին միջազգային մեխանիզմ է ստեղծվելու:
«Ադրբեջանի ներկայացրած տեքստից դժվար է ասել այնտեղ Ղարաբաղ կա, թե չկա։ Ես կարող եմ ենթադրել, որ այդ 5 կետերից երեքը ԼՂ-ի մասին է՝ առանց ԼՂ անունը տալու։
Խաղաղության պայմանագում որոշակի նախադասություններ կան, որից կարելի է ենթադրել, որ Ադրբեջանը խոսում է ԼՂ-ի մասին՝ առանց հստակեցնելու։
Հայկական կողմի մոտեցումն այն է, որ եթե որևէ ակնարկ կա, ապա պետք է հստակ նշվի։ Մենք աշխատում ենք այդ ուղղությամբ, որ կա՛մ պայմանագրում պետք է հստակ նշվի ԼՂ-ի մասին, կա՛մ ստեղծվի միջազգային մեխանիզմ,- նշեց Գրիգորյանը։
Մանրամասները՝ տեսանյութում։
