15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Եվրոպայում գազի գինը գերազանցել է 1700 դոլարը
Քաղաքականություն
08.12.2022 | 22:08
Եվրոպայում բնական գազի գինը 1000 խորանարդ մետրի դիմաց գերազանցել է 1700 դոլարը: Այս մասին հայտնի է դարձել դեկտեմբերի 8-ին Լոնդոնի ICE բորսայում կայացած առևտրի ժամանակ, գրում է Korrespondent-ը։
Հունվարյան ֆյուչերսների արժեքը Նիդեռլանդների TTF հանգույցում բարձրացել է մինչև 1714 դոլար՝ 1000 խորանարդ մետրի դիմաց կամ 157,55 եվրո՝ մեկ ՄՎտ/ժ-ի համար:
Օրվա սկզբից գազի գնի ընդհանուր աճը կազմել է գրեթե 5%։
Եվրոպայում գազն աստիճանաբար թանկանում է՝ ցրտերի պատճառով պահեստարաններից գազի աճող դուրսբերման պատճառով։ Նաև վերջին օրերին կրճատվել է քամու արտադրության միջին տեսակարար կշիռը էլեկտրաէներգիայի արտադրության մեջ։
Հիշեցնենք, որ նոյեմբերի վերջին Եվրոպայում գազի գինը գերազանցել է հազար խորանարդ մետրի դիմաց 1400 դոլարը։ Դա տեղի է ունեցել ռուսական «Գազպրոմի»՝ Ուկրաինայի տարածքով դեպի Եվրոպա տարանցումը սահմանափակելու սպառնալիքի մասին հայտարարության ֆոնին։
Տաթև Ֆռանգյան
