17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
ԵՄ-ն Բալկանյան երկրներին կոչ է արել հետևել Ռուսաստանի դեմ պատժամիջոցների քաղաքականությանը
Քաղաքականություն
06.12.2022 | 21:13
Եվրամիությունը կոչ է արել Արևմտյան Բալկանների երկրներին՝ հետևել Ռուսաստանի նկատմամբ համայնքի պատժամիջոցների քաղաքականությանը։ Այս մասին ասված է ԵՄ-Արևմտյան Բալկաններ գագաթնաժողովի ամփոփիչ հռչակագրում, որը տարածվել է երեքշաբթի Բրյուսելում, գրում է ՏԱՍՍ-ը։
«ԵՄ-ի հետ միասնությունը գործընկերների ռազմավարական կողմնորոշման հստակ նշան է», հատկապես ուկրաինական հակամարտության լույսի ներքո։ «Ապագայի ընդհանուր տեսլականը ներառում է փոխադարձ պատասխանատվություն և ընդհանուր արժեքներ: Երբ մենք խորացնում ենք մեր համագործակցությունը գործընկերների հետ, մենք խրախուսում ենք նրանց արագ և կայուն առաջընթաց գրանցել ԵՄ ընդհանուր արտաքին և անվտանգության քաղաքականությանը լիարժեք համապատասխանելու ուղղությամբ, ներառյալ՝ ԵՄ սահմանափակող միջոցները»,- նշված է փաստաթղթում։
Հռչակագրում ասվում է նաև, որ ԵՄ-ն «հարգանքի տուրք է մատուցում Արևմտյան Բալկանյան այն գործընկերներին, որոնք արդեն ցուցադրում են իրենց ռազմավարական նվիրվածությունն այս հարցում՝ լիովին համապատասխանելով ԵՄ արտաքին քաղաքականությանը, նաև խրախուսում մյուսներին՝ հետևել նրանց օրինակին»:
Աղբյուրը նշում է, որ վերջին պարագայում խոսքը Սերբիայի մասին է, որը Եվրամիությանն անդամակցության թեկնածու երկիր է, սակայն հրաժարվում է միանալ Ռուսաստանի դեմ Բրյուսելի պատժամիջոցների քաղաքականությանը։
