27.07.2026 | 11:45
Լիազորությունները դադարեցված դատավորը վերականգնել է փաստաբանի արտոնագիրը
Համընդհանուր հայտարարագրման համակարգով հարկային բեռի ավելացում չի նախատեսվում․ Արման Պողոսյան. ՏԵՍԱՆՅՈՒԹ
Քաղաքականություն
06.12.2022 | 14:35
Ազգային ժողովի լիագումար նիստի քննարկմանը ներկայացվեց կառավարության հեղինակած օրենքի նախագիծը, որով նախատեսվում է Հայաստանում ներդնել եկամուտների համընդհանուր հայտարարագրման համակարգ. այն ամբողջությամբ կներդրվի 3 տարվա ընթացքում, առաջին հայտարարագրերը պետք է ներկայացվեն մինչև 2024-ի ապրիլի 20-ը:
Հայաստանի Հանրապետության հարկային օրենսգրքում փոփոխություններ եւ լրացումներ կատարելու մասին և կից ներկայացված օրենքների նախագծերի փաթեթն ԱԺ նիստում ներկայացրեց ՀՀ ֆինանսների փոխնախարար Արման Պողոսյանը:
«Քաղաքացիական պայմանագիր» խմբակցության պառգամավոր Բաբկեն Թունյանը, դիմելով փոխնախարարին, հետաքրքրվեց, թե արդյոք համընդհանուր հայտարարագրման համակարգի ներդրմամբ հարկային բեռի ավելացում, դրույքաչափի բարձրացում կամ լրացուցիչ որևէ հարկատեսակ նախատեսվում է քաղաքացիների համար, թե ոչ։
Արման Պողոսյանը հավաստիացրեց, որ քննարկվող նախագծի ընդունման արդյուքնում՝ համընդհանուր հայտարարագրման համակարգի ներդրմամբ չի նախատեսվում չհարկվող որևէ եկամուտ դարձնել հարկվող, չի նախատեսվում որևէ հարկի դրույքաչափ բարձրացնել, այսինքն՝ այս նախագծով չի նախատեսվում հարկային բեռի ավելացում։
Մանրամասները՝ տեսանյութում։
