01.11.2024 | 23:19
Հրդեհ Գյումրու տներից մեկում
Քրեական հետապնդում Գասպարյանի կնոջ նկատմամբ․ Թուրքիա-Ադրբեջան համատեղ վարժանք է սկսվել․ Լուրեր
Քաղաքականություն
05.12.2022 | 17:15
- Հանրային քրեական հետապնդում է հարուցվել նախկին ոստիկանապետ Վլադիմիր Գասպարյանի կնոջ նկատմամբ։ Դատախազության հաղորդագրության համաձայն՝ Ս․Գ․-ն, նշանակված լինելով նախ ռազմական ոստիկանությունում, ապա նաև ոստիկանությունում ծառայության, ամուսնու ենթակայության ներքո ստացել է աշխատավարձ՝ չներկայանալով ծառայության կամ պատշաճ չիրականացնելով պարտականությունները։ Գասպարյանի կինը այդ ընթացքում որպես աշխատավարձ ստացել է ընդհանուր առմամբ 36,5 մլն դրամից ավելի աշխատավարձ։ մեղադրանք ներկայացնելու և խափանման միջոց ընտրելու համար որոշումն ուղարկվել է Հակակոռուպցիոն կոմիտե:
- Արցախի ոստիկանությունն ամփոփել է նախորդ շաբաթ Ադրբեջանի կողմից Արցախում իրականացված երկու սադրանքները։ Նախ ադրբեջանցիները իբր բնապահպանական պատճառաբանությամբ դեկտեմբերի 3-ին փակել էին Գորիս-Ստեփանակերտ մայրուղին, որը բացել են 3 ժամ տևած բանակցություններից հետո, իսկ դեկտեմբերի 4-ին Մարտակերտով Քարվաճառ մեկնող ադրբեջանցիները կանգնել էին Գետավան գյուղում, սադրել ու քաշքշուք հրահրել տեղացիների հետ։
- Ադրբեջանի և Թուրքիայի զինված ուժերի ստորաբաժանումները համատեղ զորավարժություն են սկսել Ադրբեջանի հարավում, ինչպես նաև Արցախից գրաված տարածքներում։ Դրանց դրվագներից մեկով՝ ադրբեջանա-թուրքական զորքերը պետք է անցումներ կատարեն գետի վրայով ու դեսանտ իջեցնեն հակառակորդի պաշտպանության խորքում։ Ավելի վաղ Ադրբեջանի հետ սահմանին գետերի անցման դրվագներով զորավարժություններ արել էին Իրանի զինված ուժերը։
Այս ժամի լուրերը՝ տեսանյութում։
