18.12.2025 | 15:20
Զելենսկին հայտնել է ԱՄՆ-ում Կիևի ու Վաշինգտոնի ներկայացուցիչների առաջիկա հանդիպման մասին
ՌԴ ռմբակոծիչները նոր հարձակումներ են նախապատրաստում Ուկրաինայում․ Der Spiegel
Քաղաքականություն
01.12.2022 | 18:24
Դատելով Սարատովի մերձակայքում գտնվող «Էնգելս-2» ռազմական օդանավակայանի արբանյակային պատկերներից՝ Ռուսաստանը կարող է նոր զանգվածային հրթիռային հարձակում նախապատրաստել Ուկրաինայի վրա՝ օգտագործելով ռազմավարական ռմբակոծիչներ։ Այս մասին հայտնում է Der Spiegel հրատարակությունը, որին վկայակոչում է DW-ի ռուսական ծառայությունը։
«Վերջին արբանյակային լուսանկարները ցույց են տալիս արտասովոր ակտիվություն Ռուսաստանի առանցքային ռազմական օդանավակայանում: Փորձագետները «Էնգելս-2»-ի մարտական պատրաստության բարձրացում են տեսնում և զգուշացնում են Ուկրաինայի վրա նոր հզոր օդային հարձակման մասին»,-գրում է լրատվամիջոցը։
Լուսանկարներում, որոնք հրապարակել է լրատվամիջոցը, երևում են գրեթե երկու տասնյակ Tu-95 և Tu-160 հեռահար ռմբակոծիչներ։ Թռիչքուղու վրա կան բազմաթիվ խոշոր բեռնատար ինքնաթիռներ և բեռնատարներ, որոնք օգտագործվում են X-55 կամ X-101 թևավոր հրթիռներ տեղափոխելու համար։
Բազայում ակտիվությունը շատ բարձր է: Թռիչքուղու վրա անսովոր մեծ թվով ռմբակոծիչների քանակը ցույց է տալիս թռիչքների քանակի ավելացում կամ առաջիկա հնարավոր լայնածավալ հարձակում»,-ասել է ռազմական վերլուծաբան Արդա Մևլութօղլուն։
Չնայած դրան՝ Ուկրաինայի պաշտպանության նախարարության հետախուզության գլխավոր վարչությունը հայտարարել է, որ իրենք «արտակարգ բան չեն տեսնում» օդանավակայանում ռմբակոծիչների թվի ավելացման մեջ: Վարչության ներկայացուցիչ Վադիմ Սկիբիցկիի խոսքով՝ «Էնգելս-2» վերադարձել են մի շարք ռմբակոծիչներ Ռյազանի «Դյագիլևո» ավիաբազայից։
Էմմա Չոբանյան
