01.11.2024 | 20:18
Հրդեհ Ամիրյան փողոցի շենքերից մեկում. դեպքի վայր է մեկնել 3 մարտական հաշվարկ
«Վեոլիա ջրի» խախտումների մասով վարչական վարույթներ են հարուցվել. ՀԾԿՀ նախագահ․ ՏԵՍԱՆՅՈՒԹ
Տնտեսություն
01.12.2022 | 14:45
Ջրի սպասարկման որակի չափանիշներ կան և՛ «Վեոլիա ջուր» ընկերության հետ ստորագրված պայմանագրում, և՛ ՀԾԿՀ-ի կողմից սահմանված՝ Ջրի օգտագործման կանոններում։ Կառավարության նիստից հետո լրագրողների հետ զրույցում այս մասին նշեց Հանրային ծառայությունները կարգավորող հանձնաժողովի նախագահ Գարեգին Բաղրամյանը։
«Այսինքն՝ անկախ ամեն ինչից, դրանք պարբերաբար վերահսկվում են և՛ հանձնաժողովի մոնիթորինգի խմբի կողմից, և՛ Ջրային կոմիտեի կողմից։
Նախատեսված են համապատասխան պատժամիջոցներ և տուգանքներ ջրամատակարարման և օգտագործման կանոնների խախտման դեպքերի համար։ Ընդ որում՝ մեր կանոններում կան նաև այնպիսի տուգանքներ, որոնք գործում են ինքնաշխատ, այսինքն՝ եթե, օրինակ, ջուրը համապատասխան ժամին չի միացվել կամ ավելի երկար է մնացել միացված, կան միանգամից վճարվող տուգանքներ, որոնք արտացոլվում են հաշիվների մեջ։ Նման դեպքեր եղել են։
Միևնույն ժամանակ որոշակի խախտումների համար «Վեոլիա ջուր» ընկերության նկատմամբ վարչական վարույթներ են հարուցվել․ այդ տուգանքները վճարվում են պետական բյուջե,- նշեց Բաղրամյանը։
Մանրամասները՝ տեսանյութում։
