26.11.2024 | 10:37
Հզոր ցիկլոնի ներթափանցմամբ պայմանավորված՝ հանրապետության ողջ տարածքում սպասվում են տեղումներ
Ռուսաստանը Բախմուտում կրկնում է նույն սխալները, ինչ Սևերոդոնեցկում ու Լիսիչանսկում․ ISW
Քաղաքականություն
01.12.2022 | 15:55
Բախմուտը գրավելու ՌԴ փորձերը ցույց են տալիս, որ ռուս զինվորականները որևէ դաս չեն քաղել նախորդ արշավներից, երբ մեծ կորուստների գնով Դոնբասում վերահսկողություն էր սահմանվում սահմանափակ օպերատիվ կամ ռազմավարական նշանակության տարածքներում։ Այս մասին իր ամենօրյա զեկույցում գրում է Պատերազմի ուսումնասիրման ամերիկյան ինստիտուտը (ISW), հայտնում է Meduza-ն։
Նշվում է, որ ռուս զինվորականները մայիսի վերջից անընդհատ ուժեր են ծախսում Բախմուտի շրջակայքում գտնվող փոքր բնակավայրերի վրա, սակայն, ըստ փորձագետների՝ վեց ամսում նրանք ընդամենը մի քանի կիլոմետր են առաջ շարժվել այս ուղղությամբ։
Ըստ ISW-ի՝ այս սխեման շատ է հիշեցնում ամռանը Սևերոդոնեցկն ու Լիսիչանսկը գրավելու՝ ՌԴ-ի նախորդ փորձերը։ Ուկրաինայի զինված ուժերը թույլ տվեցին ռուսական զորքերին մեծ ջանքեր կենտրոնացնել սահմանափակ ռազմավարական նշանակության այս երկու քաղաքների վրա, որից հետո շրջափակեցին այնտեղ մի քանի շաբաթ։ Արդյունքում՝ռուսական զորքերը ծանր կորուստների գնով գրավեցին այս քաղաքները՝ հասնելով Լուգանսկի շրջանի սահմաններին, բայց այս մարտավարական հաջողությունը հանգեցրեց աննշան օպերատիվ ազդեցության, քանի որ դրանից հետո ռուսական հարձակումն այս ուղղությամբ մեծ մասամբ կանգ առավ:
Զեկույցում ասվում է, որ նման ելք հնարավոր է նաև Բախմուտի դեպքում, նույնիսկ եթե ՌԴ զորքերին հաջողվի վերցնել քաղաքը, դա օպերատիվ առավելություններ չի տա, քանի որ կրած կորուստները կգերազանցեն օգուտները։
Էմմա Չոբանյան
