Հայաստանը ներկայացնող Վաղարշապատի N 12 դպրոցի թիմը կիսում է 8-11-րդ հորիզոնականները:
Ռուսաստանի Սոչի քաղաքում ավարտին է մոտենում Սպիտակ Նավակ մրցաշարը, որին մասնակցում են հանրակրթական դպրոցների թիմերը: Այս տարի մրցաշարին մասնակցում է 100 թիմ, որոնցից 79 ներկայացնում են Ռուսաստանի մարզերը: Մրցաշարին մասնակցում են դպրոցական թիմեր Հայաստանից, Անգլիայից, Բելառուսից, Գերմանիայից, Հունաստանից, Իսրայելից, Հնդկաստանից, Ղազախստանից, Կենիայից, Ղրղզստանից, Լատվիայից, Մոլդովայից, Ռումինիայից, Սերբիայից, Սլովակիայից, Թուրքմենստանից, Ֆրանսիայից, Չեխիայից, Շվեդիայից և Էստոնիայից:
Երեկ կայացան մրցաշարի 6-րդ և 7-րդ տուրերը: 6-րդ տուրում մեր դպրոցականները պարտություն կրեցին Սանկտ-Պետերբուրգի ուժեղ թիմից, իսկ 7-րդ տուրում 3-1 հաշվով հաղթեցին Թուրքմենստանի հավաքականին:
Մրցաշարի ավարտից երկու տուր առաջ Հնդկաստանի թիմը վաստակել է 26.5 միավոր և գործնականում ապահովել է առաջին հորիզոնականը: 2-րդ տեղում ընթացող Սվերդլովսկի մարզի թիմն իր ակտիովում ունի 19.5 միավոր, իսկ լավագույն եռյակը եզրափակող Բուրյաթիայի թիմը վաստակել է 19 միավոր: Հայաստանը ներկայացնող Վաղարշապատի N 12 դպրոցի թիմը վաստակել է 17.5 միավոր և կիսում է 8-11-րդ հորիզոնականները:
Այսօր տեղի կունենա մրցաշարի 8-րդ տուրը
