07.08.2026 | 22:13
Կենտրոն վարչական շրջանում հայտնաբերվել է ապօրինի վճարովի ավտոկայանատեղի կազմակերպելու 12 դեպք
ՃՏՊ Մարտունու շրջանում. կա տուժած
01.12.2022 | 10:36
Նոյեմբերի 30-ին ժամը 19:15-ին ԱԻ պետական ծառայության Մարտունու շրջանային բաժնի ճգնաժամային կառավարման կենտրոնում հաղորդում է ստացվել, որ «Ավոյի աղբյուր» կոչվող տեղամասին հարակից ավտոճանապարհին ճանապարհատրանսպորտային պատահար է տեղի ունեցել․ տեղեկացնում են ՀՀ ԱԻՆ-ից։
Անմիջապես կանչի վայր են մեկնել ՆԳ նախարարության Մարտունու շրջբաժնի ոստիկանության և փրկարար ծառայողները։
Պարզվել է, որ ժամը 19:00-ի սահմաններում Մարտունի-Ննգի ավտոճանապարհի 8-րդ կիլոմետրին Ստեփանակերտ քաղաքի 51-ամյա բնակիչ Ն. Ղ.-ն վարելով իրեն պատկանող «Օպել-աստրա» ավտոմեքենան, դուրս է եկել ճանապարհի երթևեկելի մասից դեպի ձախ և հայտնվել ճամփեզրին։
ՃՏ պատահարի հետևանքով ուղևոր՝ Ասկերանի շրջանի Նորագյուղ համայնքի 44-ամյա բնակիչ Ա. Հ.-ն ստացած մարմնական վնասվածքով տեղափոխվել է բուժհաստատություն։
Փրկարարները հոսանքազրկել են մեքենան և տեղափոխել մշտական տեղակայման վայր։ Ստուգմամբ զբաղվում է ոստիկանության Մարտունու շրջանային բաժինը։
ՆԳ նախարարությունը հորդորում է երթևեկության բոլոր մասնակիցներին, խստագույնս պահպանել երթևեկության անվտանգության կանոնները։
