12.12.2024 | 14:42
Գյումրիում ՔՊ-ն ցածր վարկանիշ չունի, 2021-ի ընտրությունները բարձր վարկանիշի մասին էին. Խուդաթյան․ ՏԵՍԱՆՅՈՒԹ
Վիրավորված զինծառայողի կյանքին վտանգ չի սպառնում. ՊՆ մամուլի խոսնակ
Հասարակություն
30.11.2022 | 15:51
Երեկ հակառակորդի կողմից վիրավորում ստացած զինծառայողի առողջական վիճակը բավարար է, կյանքիկ սպառնացող վտանգ չկա։ Այս մասին Factor.am-ի հարցին ի պատասխան ասաց ՊՆ մամուլի խոսնակ Արամ Թորոսյանը։
Հիշեցնենք Պաշտպանության նախարարությունը երեկ հաղորդագրություն տարածեց, որ ժամը 17:50-ի սահմաններում, հայ-ադրբեջանական սահմանագոտու արևելյան հատվածում տեղակայված հայկական մարտական դիրքում հակառակորդի կրակոցից հրազենային վիրավորում է ստացել զինծառայող Ա. Զ.-ն:
Նշենք, որ արդեն տևական ժամանակ է հակառակորդն ամենօրյա ռեժիմով խախտում է հրադադարը, տարբեր զինատեսակներից կրակոցներ արձակելով ՀՀ սահմանային տարբեր հատվածներին։ Այսօր ՊՆ-ն հերթական հաղորդագրությունը տարածեց, որ նոյեմբերի 29-ին՝ ժամը 23:10-ին, Ադրբեջանի ԶՈՒ ստորաբաժանումները տարբեր տրամաչափի հրաձգային զինատեսակներից կրակ են բացել հայ-ադրբեջանական սահմանագոտու արևելյան հատվածում տեղակայված հայկական դիրքերի ուղղությամբ: Հակառակորդն այս անգամ կիրառել է նաև ականանետ։ Անմասն չի մնում նաև Արցախի սահմանային հատվածը, այստեղ ևս անընդմեջ խախտվում է հրադադարը։
Ռոզա Վարդանյան
