17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Իրենք համարել են, որ պատգամավորական մանդատն այլևս չի ծառայում իր նպատակին․ Արծվիկ Մինասյան․ ՏԵՍԱՆՅՈՒԹ
Քաղաքականություն
30.11.2022 | 12:32
Ազգային ժողովի «Հայաստան» խմբակցության քարտուղար Արծվիկ Մինասյանը լրագրողների հետ զրույցում ընդգծեց, որ մանդատները վայր դրած պատգամավորների քաղաքական հայացքներում ոչինչ չի փոխվել։
«Որևէ փոփոխություն չկա։ Ընդամենը մարտավարական գործողության շրջանակներում նրանք համարել են, որ պատգամավորական մանդատն այլևս սպառված է, խորհրդարանում հնարավոր չէ որևէ բան անել։ Մենք համարում ենք, որ, այնուամենայնիվ, դեռևս հնարավոր է ինչ-որ բան փոխել»,- ասաց Մինասյանը։
«Հանրության համար անընդատ պետք է բացահայտել այս իշխանությունների ապօրինությունները, նրանց գործողությունների հակապետական բնույթը և այլն։ Տեսնում ենք, որ հանրությունը մոլորության մեջ է։ Իշխանությունը ամեն ինչ գլխիվայր շուռ տված է ներկայացնում, և հանրության մոտ տպավորություն է, թե ամեն ինչում նախկիններն են մեղավոր»,- նշեց ընդդիմադիր պատգամավորը։
Հիշեցնենք՝ «Վերածնվող Հայաստան» կուսակցությունը դադարեցնում է գործունեությունը ՀՀ Ազգային ժողովում։
Կուսակցության անդամ չորս պատգամավորներից երեքը՝ կուսակցության նախագահ Վահե Հակոբյանը, փոխնախագահներ Հռիփսիմե Ստամբուլյանն ու Ելենա Կիրակոսյանը, օրենքով սահմանված կարգով դիմում են ներկայացրելիրենց մանդատներից հրաժարվելու վերաբերյալ:
Զեմֆիրա Միրզոևան, ով ՀՀ 8-րդ գումարման Ազգային ժողովում ներկայացնում է Հայաստանի ասորական համայնքն ու խորհրդարան է անցել ՀՀ ԱԺ արտահերթ ընտրությունների «Հայաստան» դաշինքի համապետական ցուցակի երկրորդ մասով ազգային փոքրամասնությունների համար նախատեսված քվոտայով, կշարունակի պատգամավորական գործունեությունը՝ սեփական դիմումի համաձայն ժամանակավորապես սառեցնելով կուսակցությանն իր անդամությունը։
Ավելի վաղ «Հայաստան» խմբակցությունից մանդատնեը վայր էին դրել Արամ Վարդևանյանն ու Արթուր Ղազինյանը։
Մանրամասները՝ տեսանյութում։
