20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
ՌԴ-ի և Ուկրաինայի միջև բանակցություններն այժմ անհնար են․ Պեսկով
Քաղաքականություն
29.11.2022 | 16:00
Ռուսաստանի Դաշնության և Ուկրաինայի միջև բանակցություններն այժմ անհնար են, քանի որ դրանք մերժում է ուկրաինական կողմը, հայտարարել է ՌԴ նախագահի մամուլի քարտուղար Դմիտրի Պեսկովը, փոխանցում է Ինտերֆաքսը։
«Իսկապես, այժմ ոչ մի բանակցություն հնարավոր չէ, քանի որ ուկրաինական կողմը կտրականապես մերժում է դրանք։ Հատուկ ռազմական գործողությունը շարունակվում է», – լրագրողներին ասել է Պեսկովը։
Այսպես պետության ղեկավարի մամուլի քարտուղարը մեկնաբանել է Գերմանիայի նախագահ Ֆրանկ-Վալտեր Շտայնմայերի հայտարարությունը, թե այժմ անհնար է բանակցել ուկրաինական հակամարտության խաղաղ կարգավորման շուրջ։ Նա հավելել է, որ խաղաղ բանակցությունները պահանջում են «քաղաքական կամք և պատրաստակամություն՝ քննարկելու Ռուսաստանի այն պահանջները, որոնք լավ հայտնի են»։
Տաթև Ֆռանգյան
