16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Մոլդովայում էլեկտրաէներգիայի դեֆիցիտ է սպասվում
Քաղաքականություն
29.11.2022 | 13:46
Մոլդովայում այսօր՝ նոյեմբերի 29-ին, էլեկտրաէներգիայի շուրջ 74 տոկոս դեֆիցիտ է սպասվում։ Այս մասին հայտարարել է երկրի ենթակառուցվածքների և տարածաշրջանային զարգացման նախարար Անդրեյ Սպինուն, գրում է korrespondent-ը։
Նրա խոսքով՝ եվրոպական շուկայում էլեկտրաէներգիան թանկացել է 30-40 տոկոսով։ Այդ կապակցությամբ մոլդովական «Էներգոկոմ» ընկերությունը չի կարողացել ձեռք բերել անհրաժեշտ ծավալը։ «Անհասկանալի երևույթ է տեղի ունեցել. Եվրոպական շուկաներում, մասնավորապես Ռումինիայում, էլեկտրաէներգիան զգալիորեն թանկացել է, գրեթե 30-40 տոկոսով, «Էներգոկոմը» փորձել է ավելի ցածր գնով էլեկտրաէներգիա գնել, բայց չի կարողացել ամբողջ օրվա համար էլեկտրաէներգիա գնել», – ասել է նախարարը։ Նա հորդորել է քաղաքացիներին խնայողաբար օգտագործել էլեկտրաէներգիան։
Հիշեցնենք, որ Ուկրաինայի վրա ՌԴ հրթիռային հարձակումների հետևանքով օրերս Մոլդովայի կեսը մնացել էր առանց էլեկտրականության։
