29.04.2024 | 23:31
Վանաձորի մի շարք հասցեներում գազանջատումներ կլինեն
Պուտինը պահանջել է ավելացնել բանակին զենքի մատակարարումը
Քաղաքականություն
25.11.2022 | 14:34
ՌԴ նախագահ Վլադիմիր Պուտինը կառավարության նիստում պահանջել է ավելացնել բանակին սպառազինության մատակարարումը, ինչպես նաև բարելավել դրանց որակը, գրում է Euronews-ը։
«Մենք պայմանավորվել ենք, և որևէ արտառոց միջոցի կարիք չկա, ոչինչ պետք չէ անել, բայց պետք է հստակ, որակյալ, լավ համակարգված աշխատանք հարթել։ Սա ընդհանուր առմամբ օգտակար է, բայց այս իրավիճակում պարզապես անհրաժեշտ է, որպեսզի մեր Զինված ուժերը ժամանակին ապահովվեն այն ամենով, ինչ անհրաժեշտ է հատուկ ռազմական գործողության ժամանակ»,- ասել է ՌԴ նախագահը կարիքները բավարարելու համակարգող խորհրդի անդամների հետ հանդիպմանը։
Նշենք, որ խորհուրդը ստեղծվել է հոկտեմբերին, այն գլխավորում է ՌԴ վարչապետ Միխայիլ Միշուստինը։
Մինչ այդ, ռուսաստանցի զինծառայողների հարազատները բողոքում են ուկրաինական պատերազմի համար ապօրինի մոբիլիզացիայի դեպքերից և ոչ բավարար պատրաստվածությունից։ «Մայրերի և կանանց խորհուրդ» շարժումը ձգտում է հանդիպել Ռուսաստանի նախագահի և իշխանության ներկայացուցիչների հետ։ Ուրբաթ Վլադիմիր Պուտինը հանդիպում է մոբիլիզացվածների մայրերի հետ, սակայն «Մայրերի և կանանց խորհուրդն» ու «Զինվորների մայրերի կոմիտեն» հրավեր չեն ստացել։
Այս ֆոնին ՌԴ ՊՆ-ն տեսանյութ է հրապարակել 50 ռուս զինվորների վերադարձի մասին։ Հայտարարության մեջ ասվում է, որ նրանք ազատվել են ուկրաինական գերությունից բանակցային գործընթացի արդյունքում։
Տաթև Ֆռանգյան
