16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
ՌԴ դեսպանը կանչվել է Մոլդովայի ԱԳՆ՝ էլեկտրաէներգիայի լայնածավալ անջատումներից հետո
Քաղաքականություն
25.11.2022 | 15:37
Մոլդովայի ԱԳ նախարարություն է կանչվել Քիշնևում Ռուսաստանի դեսպանը՝ «խստորեն դատապարտելու» Ուկրաինա ներխուժումը և Մոսկվայից պահանջելու դադարեցնել ռմբակոծությունը, ինչի հետևանքով մեկ օր առաջ հոսանքազրկվել էր Մոլդովայի մեծ մասը, գրում է VOA-ն:
Աղբյուրի փոխանցմամբ՝ ՌԴ-ի ռազմական գործողությունները ծրագրողներն ավելի ու ավելի են թիրախավորում Ուկրաինայի քաղաքացիական ենթակառուցվածքները՝ երկրի արևելքում գրավյալ տարածքների ազատագրման հարցում ուկրաինական ուժերի վերջին հաջողություններից հետո:
Մոլդովա ներկրվող գազի և էլեկտրաէներգիայի մեծ մասը գալիս է հարևան Ուկրաինայից:
Ուկրաինայի վրա Ռուսաստանի Դաշնության դաժան հարձակումը խնդիրներ է ստեղծում Մոլդովայի Հանրապետության բոլոր քաղաքացիների համար՝ անկախ նրանց քաղաքական կամ աշխարհաքաղաքական հայացքներից, ՌԴ դեսպան Օլեգ Վասնեցովին ասել են Մոլդովայի արտաքին քաղաքական գերատեսչությունում։
«Ռուսաստանը պետք է դադարեցնի այդ ռմբակոծությունները», – պահանջել է Մոլդովայի ԱԳՆ-ն:
Տաթև Ֆռանգյան
