15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Ալիևը հայտարարել է, որ Բրյուսելում Փաշինյանի հետ հանդիպումը չի կայանա, քանի որ Հայաստանը պնդում է դրան Մակրոնի մասնակցությունը
Քաղաքականություն
25.11.2022 | 12:46
Ադրբեջանի նախագահ Իլհամ Ալիևը հայտարարել է, որ մերժում է դեկտեմբերի 7-ին Բրյուսելում Հայաստանի վարչապետ Նիկոլ Փաշինյանի հետ հանդիպմանը մասնակցությունը, գրում են ադրբեջանական լրատվականները։
«Բրյուսելում հանդիպումը պետք է տեղի ունենար դեկտեմբերի 7-ին։ Սակայն երեկ Հիքմեթ Հաջիևը ինձ տեղեկացրեց, որ իր հետ կապվել են ԵԽ նախագահ Շառլ Միշելի գրասենյակից ու տեղեկացրել, որ Հայաստանի վարչապետ Նիկոլ Փաշինյանը կհամաձայնի հանդիպմանը միայն այն պայմանով, որ դրան մասնակցի Ֆրանսիայի նախագահ Էմանուել Մակրոնը։ Դա նշանակում է, որ հանդիպումը չի կայանա»,- ասել է Ալիևը «Միջին միջանցքի երկայնքով․ աշխարհաքաղաքականություն, անվտանգություն ու տնտեսություն» խորագրով համաժողովի ժամանակ։
Ի դեպ, առաջին անգամ չէ, որ Բաքուն նման ապակառուցողական վարքագիծ է դրսևորում։
Հիշեցնենք՝ հոկտեմբերին 6-ին Պրահայում Փաշինյան-Մակրոն-Միշել-Ալիև ձևաչաձով հանդիպում արդեն տեղի է ունեցել։
Էմմա Չոբանյան
